肥哉廚房 Fat Joy's Kitchen

呢幾杯野絕對係童年回憶。好耐好耐冇整冇食過，幾乎唔記得左佢地。 細個果陣覺得啫 哩好好味，落埋花奶仲正。 拎起一杯唔駛一分鐘就食清光。 食完先醒起而家搞到滿城風雨既「塑化劑」， 啫 哩呢味野都係人工化學品多！ 都係少食多滋味算啦。   端午節快樂呀！

炆豬腩肉好鬼好味，不過好肥，每人只限分配兩舊仔！ 豬腩肉一塊16元，用魚露同玫瑰露酒做主要醃料去炆，所以叫做玫瑰魚露豬腩肉。 做法： 1) 豬腩肉洗淨出水。 2) 落水、魚露、玫瑰露酒、頭抽、老抽、糖(落多D)、薑片慢火炆煮。 3) 炆至收乾汁液，撈起攤凍放入雪櫃雪一日。 4) ...

響惠記買左兩包新鮮有骨肉排，最基本既做法就係用黎整番碟豉汁蒸排骨啦。今次黎個「清蒸版」，即係唔將豆豉舂碎成「漿」，又唔特別多加生粉。 排骨用鹽、糖、紹酒、生抽、醃一晚，整之前再落少少水，再加粟粉撈勻。 再落豆豉、蒜頭、薑絲、指天椒粒將排骨撈勻。 水滾計蒸20分鐘即成。今次蒸出來既...

魚腩粥好食呀，不過響街鋪食用成舊魚腩切件滾粥，魚腩係有骨的。響屋企整可以將魚腩拆骨再煲粥，啖啖肉。 先煲好個粥底，落街買左舊鯇魚腩16元，用鹽、糖、酒醃三個鐘，抹乾水。先燒熱鑊，落油，將魚腩煎至兩面金黃。 魚腩攤凍後，慢慢將骨抽出，拆乾淨，剩下魚肉。放入粥中滾至出味。 在大窩內鋪...

雞蛋三隻，菜甫適量，蔥適量。 雞蛋落魚露調味打勻備用。 菜甫浸洗乾淨，試鹹味決定浸幾耐，然後瀝乾水切粒或絲。落燒熱油鑊爆炒爆香，放入蛋液中，再落蔥粒入蛋液中攪勻。 燒熱油，落蛋液，煎至兩面金黃色即成。 呢個煎蛋關鍵係落魚露同菜甫，菜甫要買岩帶甜味既，如果淨係得鹹味就冇咁好。  

買左一斤芽菜，七元。貴左好多呀，以前好似三元有一斤架。 番黎本來想就咁清炒，見到仲有好多蝦乾，就用黎炒芽菜啦。 先爆香蝦乾，兜起，保留原來爆蝦乾既油，用來炒芽菜。 蝦乾回鑊，落少少紅辣椒粒，炒勻至收汁即可上碟。 芽菜清爽，帶蝦乾香味，都唔錯喎。

整番個老少平安(肥哉版)！ 材料： 1 布包豆腐二件，共5元。 2 鯪魚膠10元。 3 蝦乾十幾條。 4 冬菇三隻。 5 芫茜、蔥、薑絲、乾紅辣椒絲(怕辣可唔落)適量。 做法： 1 蝦乾、冬菇浸洗乾淨。冬菇剪粒，蝦乾一半剪粒，一半剪開兩段。 2 將豆腐搓爛，混入魚膠，再落冬菇粒、...

冇「桿麵棍」呀，又係第一次整，整左十四個大小不一既「牛油(肥)捲」。一路食一路影，整完已經食左四個喇，咁搞法想唔肥都幾難。 換左快樂介紹既酵母粉，發得好過以前。以前隻粉原來不適用於麵包機。 參考象印麵包機食譜p.22頁「牛油捲」照做架。 將材料照抄出黎： 牛奶半杯(係象印附送個隻...

今日去百記買左喇。 個烘焙材料貨架俾人摷到七國咁亂，好多粉都缺貨，我呢包高筋粉係最後一包，酵母粉就仲有七八盒。 呢兩包野就買左五十幾元。買完返到屋企，要煮飯先，食完飯先整包。

上星期買左三個薯仔唔記得食，唔知用黎做乜好，見到雪櫃仲有一舊臘肉，又有冬菇蝦米之類。今日落大雨唔想出街，你話整咩好呢？自然就會想到煎薯餅！上網扒下文，一於整碟生煎薯仔餅啦。 睇下，落足料架。 薯仔刨粗絲，先渣乾水，再落多少少鹽醃佢半小時以上，醃到薯絲出水，再渣乾備用。 臘肉放飯面...

琴日響街坊粥鋪買左兩隻鹹肉粽，係五角式，十二元隻。 又黎拆解一下。去相啦！ 十一安士重。 先用兩塊竹葉包料，兩邊各補一塊竹葉。 包料的兩塊竹葉點整個「金字塔頂」兜呢？ 偷到師嗎？ 都係用四塊葉。 糯米層似乎厚左D喎，我鍾意綠豆多D。 五香粉同鹹蛋黃都要多D！ 味道都唔錯啦，上次隻...