雲耳炒豆苗Stir-Fried Black Fungus With Pea Shoots

新一年要注意健康，食多點素菜。今次就炒番碟雲耳炒豆苗，清清腸胃。 



豆苗半斤剛好炒出一碟，加埋適量雲耳，加幾片紅蘿蔔校下色，材料十分簡單。先將雲耳浸軟先用油鹽水炆煮至自己喜歡既腍度。

豆苗浸洗乾淨，用較多油，薑片起鑊，落鹽、糖、贊酒炒至九成熟。 





 再將兩樣材料兜勻，將豆苗炒熟，埋薄獻即可上碟。

平時食得瑤柱扒豆苗、蟹肉扒豆苗多，今次食番餐雲耳炒豆苗，更覺健康清新！ 

 ***Please leave your feedback, thanks!***

鮮茄醬拌唐生菜 Mixed Fresh Tomato Paste And Chinese Lettuce

油鹽水灼唐生菜非常簡單普通，拌入新鮮茄醬就變出新意思。紅紅綠綠，有益兼特別醒胃！

生菜洗淨每片一開二，大番茄切碎，番茄仔切細粒。先用油鹽水灼唐生菜，瀝乾水份備用。再將番茄煮成濃汁，加入適量糖調味。

將瀝乾水唐生菜回鑊，淋上鮮茄醬，將兩樣材料撈勻。全程都唔駛開火。

 撈到好似醃泡菜咁就搞掂，可以上碟。

再在上面灑上碎茄粒就可以趁熱開飯！清爽既生菜俾濃濃既鮮茄醬包裹住，鮮紅嫩綠，口感新異又惹味，正！

 ***Please leave your feedback, thanks!***