2020年6月29日 星期一
2020年5月30日 星期六
十元六隻皮蛋鹹蛋 Six Preserved Eggs (Salted Eggs and Thousand Year Eggs) For Only Ten Dollars
烚熟鹹蛋，切開皮蛋，兩隻都幾靚。
用嚟煮咩餸好呀？
2013年11月2日 星期六
家鄉艾籺 Hometown Argyi Dumpling
親友從鄉間帶來了一大盒艾籺，係傳統地方甜食。墨綠色既外表，雖然不很吸引，但係好有獨特鄉土風味。
唔係大冬菇呀，係一大盒艾籺！整四個試下味道：
放在滾水上蒸五分鐘左右就可以，裏面有花生碎、芝麻等材料，幾香甜。
2013年8月4日 星期日
燕麥曲奇! Oatmeal Cookies!
不過唔知點解，呢款有"Friend of the heart"標誌既燕麥片，包裝袋背後會介紹呢個燕麥曲奇食譜。
本來燕麥片多到食唔完，煩緊點樣食多D清咁D，但係睇到呢個食譜，決定要多食燕麥片保健康既你，敢唔敢整？整左敢唔敢食？
兩杯燕麥片要配一杯牛油！一杯糖！一杯啡糖！（即係兩杯糖）！ 兩隻蛋！好肥好甜喎，同食麥片既原意相反喎。
有冇人試整過？
江門排粉 Kong Moon Rice Stick
慶祝第100圖錄！
考下你，廣東米粉五大皇牌係邊「五大」？我上網搵左一陣都搞唔清楚！留番比高人指點下。
總之呢隻珠江橋牌「江門排粉」就自稱係五大皇牌之一。
我買佢其實係俾個名「吸引」，點解叫做「排粉」唔就咁叫「米粉」呢？仲要係「江門」出產既添！個英文名都幾特別，「江門」譯做Kong Moon，係港式廣東話拼音，唔係漢語拼音。
見到呢包野個名，坦白講令我好自然想到既係「便便」！不過唔係厭惡性，係印象深刻。哈哈！！
好野，個名改得好！起碼吸引到我買左一包，得閒依佢教既整法整黎食。
2013年5月11日 星期六
蓮蓉酥角 Deep Fried Flaky Lotus Seed Paste Crescent
行過灣仔東方小祇園，見到大大隻既蓮蓉酥角，勾起了兒時回憶。
好多好多年前家在灣仔，新年時食油角，點都唔夠這家的蓮蓉酥角好味，印象深刻。
今次見到既酥角比較大隻，大約大左一倍左右，每隻5.5元，買左四隻。
買時已經係凍既，返到屋企用個光波爐「光」佢幾下。
趁熱食，蓮蓉味道調校得好好。童年美味全部返晒黎。
酥角多數用豬油搓皮，但係呢間係齋鋪，唔知點整到咁酥，不過一定係肥油，好鬆化，剪開一半，一啖只能食到半隻。如果渣住食一定食到一檯一地都係！
其實食一隻已經肥油超標，但係食半隻又唔夠喉，最終都忍唔住食埋另一半。
2013年3月3日 星期日
茶餐廳外賣兩味 Two Take Away Dishes From Tea Restaurant
有日懶煮野，又去幫襯屋邨茶餐廳，嘩，人山人海，而家搵食真係艱難。改買外賣。
乾炒牛河跟奶茶一杯，37元。
豆腐火腩飯冇野跟，33元。
茶餐廳出品，算係咁啦。火腩飯個汁本來好杰，越食越稀，最後好似湯咁，呢種情況經常見到，有冇人知點解？
2013年2月10日 星期日
2012年12月28日 星期五
三角芝士 Triangle Cheese
細個時成日食呢類圓盒三角芝士，覺得佢好有趣，開左盒就咁成舊咬，就好似圖畫中小朋友一樣。
以前食果款較硬身，而家呢盒比較軟。
味道就差唔多，幾有懷舊feel。
病完要食番D有營養野，雖然係比細路哥補鈣補維他命，但唔理咁多，照食可也！
2012年12月26日 星期三
龍蝦片 Lobster Flavor Chips
各位老友聖誕快樂呀！今日貼個簡單post頂住檔同大家打下招呼先。
哎，我放假前病左呀，好彩病完先岩岩放聖誕，都仲可以去食聖誕大餐。
加油加油教我既包包買左發粉都未整呀，病左成個幾星期。天氣忽暖忽凍，流感病毒好勁，各位小心呀。
呢包龍蝦片響阿信屋買，十一元大大包，不過睇真D只係「仿龍蝦味脆片」，係食薯粉同調味粉，味道都OK。
2012年12月11日 星期二
澳門樂宮合桃曲奇餅 Macau Lucky Walnut Cookies
澳門樂宮餐廳餅店既曲奇餅久聞其名。
買左一罐，打開，有一張「聲明」，真係少見，其實係產品宣傳單張。
又有一張10元贈券，真係意外收獲，餅店都幾識顧客心理。
餅香四溢，牛油味香濃。入口十分非常勁鬆化！真係名不虛傳。
牛油同鬆化口感，蓋過左合桃。另有一款腰果曲奇，冇買。
留意下佢裏面既擺餅既方法！你睇下一塊塊曲奇餅迫到實一實，所有虛位都老老實實塞滿晒。呢種「古風」，幾近失傳，真係難能可貴。
而家好多都用「包裝」食位，冇可能裝滿咁多咯。
雖然牛油曲奇響我屋企係限量供應食物，但都忍唔住食多兩件。
2012年12月10日 星期一
文華咖啡冰廳 Man Wah Coffee & Ice Cafe
飲咖啡你會諗起……starbucks? pacific? 定 mccafe? 定係呢間？
呢間"coffee shop"位於紅磡，睇怕唔後生過前面兩個伯伯幾多。
睇下招牌既字型，「出爐麵包西餅」下面隻超大窗花，呢D設計都真係經典。
要買要食就趁快喇。
2012年12月7日 星期五
三線酒店點心 Third Class Hotel's Dim Sum
去旺角某三線酒店飲茶，點幾味傳統點心。
蝦餃↓ 皮厚左少少，摺數好似少左D。
叉燒餐包仔↓
山竹牛肉↓
芋角↓
再叫多碟海鮮會飯↓ 色水可以，不過用蟹柳要扣少少分。
蝦餃↓ 皮厚左少少，摺數好似少左D。
叉燒餐包仔↓
山竹牛肉↓
芋角↓
再叫多碟海鮮會飯↓ 色水可以，不過用蟹柳要扣少少分。
2012年11月21日 星期三
2012年11月11日 星期日
2012年10月14日 星期日
2012年10月2日 星期二
煲粥炒麵 Congee And Noodle
今日貼文之前，要為昨晚南丫島海難事件遇難者致哀！人生無常，大家真係要好好保重，更加要珍惜眼前人！
幾日假期食左唔少肥膩野，今日一於唔食飯，煲一大煲粥，炒兩大碟麵(冇錯，係兩大碟)做正餐。
粥：柴魚花生瑤柱陳腎瘦肉粥
麵：韭菜豆芽土魷絲炒麵
煲粥料：
炒麵料：
粥：柴魚花生瑤柱陳腎瘦肉粥
麵：韭菜豆芽土魷絲炒麵
煲粥料：
炒麵料：
快D埋位食喇喂！
訂閱：
文章 (Atom)