白鑊乾煎鹹雞翼

昌昌雞翼食剩7隻，今次試用白鑊乾煎。

雞翼解凍洗淨，用鹽醃一小時。索乾水。

準備易潔鑊一隻，燒熱，用白鑊將雞翼煎熟，上碟。

韭菜炒蛋

韭菜一小扎2元。蛋四隻，其中三隻只要蛋白。無技可言，去相！

 

酸菜炆豬手

料：
1 惠記豬手一包，22元。
2 街市酸菜兩棵，9元。
3 李記鹵水汁，屋企買落。
4 八角四粒，屋企買落。

煮：
1 豬手出水洗淨去毛去碎骨修剪好
2 酸菜浸鹽水用白鑊烘乾
3 瓦煲一個落少少油落兩片薑爆一爆豬手
4 贊水至大半煲
5 落鹵水汁、八角、落少少糖同少少酒
6 煮滾後中火炆之(唔記得炆左幾耐，大概一個鐘)
7 落酸菜，再炆一陣至收汁。

 

瓦煲冬菇仔炆鴨腳

冬菇仔炆鴨腳，炆緊喇！

用李X記鹵水汁+蠔油+糖+水用瓦煲慢火炆。

薑絲豆豉蒸黃花魚

黃花魚一條，徹底洗淨，去除魚腹、魚頭、肚內脂肪。

用小量粗鹽省勻魚身，醃一小時，索乾。放碟上，放上薑絲，豆豉。

蒸10分鐘，爆葱油淋上魚身，加豉油即成。

 

大澳原味蝦子麵

去大澳，路過全記海味鋪，買左一包蝦子麵。

照說明淥麵，碗半水煮滾，左少少鹽，落麵摷散，已經吊出原汁原味。簡簡單單就是好！

 

榨菜蒸豬肉

買左個傳統電飯煲，用佢黎試蒸第一個送。

車輪鮑

好貴呀！

煎豬扒

住家煎豬扒要多汁唔鞋，真係好難。。。

新鮮肥豬扒四塊。

拍鬆佢，落豉油、糖、胡椒粉、酒、水、生粉醃好備用。

加蛋漿用易潔鑊煎、局。

煎至甘香微焦上碟。

都OK啦，肉汁都未流失晒。

 

懷舊食品包裝之：印度架喱粉

印度架喱粉，個包裝好鮮艷呀。用黎整左碟架喱牛勒條。