材料：溫室辣泡椒一包六隻($12.9)。蝦乾適量。紅指天椒適量。薑片數片。
鑊：生鐵鑊 (陳枝記代售，大陸「南海三星炊具」)。陳枝記賣既生鐵鑊，似乎唔係自己生產既，我呢隻鑊耳就有「南海三星炊具」字樣。
將泡椒洗淨開邊 切好備用。蝦乾浸好洗淨備用。指天椒乾裝飾用適量。
燒熱鑊，落油，落薑片，先爆香蝦乾，再落泡椒，大火快炒，灑鹽，贊水贊酒，最後落指天椒，炒至泡椒熟就可上碟。
泡椒辣中帶甜，口感爽脆。食得太多菜心芥蘭，間中兼開下非常唔錯！
2011年12月11日 星期日
辣泡椒炒蝦乾 Stir Fried Spicy Long Pepper With Dried Shrimps
材料：溫室辣泡椒一包六隻($12.9)。蝦乾適量。紅指天椒適量。薑片數片。
鑊：生鐵鑊 (陳枝記代售，大陸「南海三星炊具」)。陳枝記賣既生鐵鑊，似乎唔係自己生產既，我呢隻鑊耳就有「南海三星炊具」字樣。
將泡椒洗淨開邊 切好備用。蝦乾浸好洗淨備用。指天椒乾裝飾用適量。
燒熱鑊，落油，落薑片，先爆香蝦乾，再落泡椒，大火快炒，灑鹽，贊水贊酒，最後落指天椒，炒至泡椒熟就可上碟。
泡椒辣中帶甜，口感爽脆。食得太多菜心芥蘭，間中兼開下非常唔錯！
2011年12月10日 星期六
白茄子炆蝦乾冬菇欖豉 Stewed White Eggplant, Dried Shrimp, Mushroom and Preserved Olive
白茄子(白矮瓜)新鮮買回來，嫩白可愛。
炆起後，皮色變為灰白，冇咁靚。矮瓜無論白皮紫皮，就咁炆煮都會變色，除非用大量油泡一泡，紫皮色澤可以保留，白皮我未試過。
不過我極少用油泡油炸做菜，住家小菜就咁炆。
準備好材料，先爆炒蝦乾冬菇，加調味炆煮至入味。
再炒香紅椒同欖豉備用。
爆香薑蒜起鑊，爆炒白矮瓜，贊水贊酒，加蓋炆煮一陣。再落蝦乾瓜菇，再加蓋炆一陣。再落紅椒，最後落欖豉，再炆至收汁，灑上蔥粒上碟。
2011年12月4日 星期日
可用於煲湯的水煲 Kettle For Soup
阿「加油加油」話響Sogo呀CitySuper呀都搵唔到水煲，係架，而家水煲已經逐漸被邊沿化喇。
現代家庭好多都轉左用電水壺。傳統明火水煲就黎絕種架喇。
我呢個4L水煲係響千色百貨買，不過後來發現買貴左。去普通既家居用品店搵下，二百元有找。
買可用於煲湯既水煲要注意以下各樣：
1) 千祈唔好買果種短嘴尿壺式半圓形煲，樣衰兼唔岩用。
2) 煲蓋一定要大，大到可以雙手都放得落煲裏面就最好。
3) 煲蓋本身唔會lock實，要單手都拎得起果種設計先好買。
4) 煲柄有特別安全設計，斟水時會頂實煲蓋，唔會鬆脫燙親手 (見圖中藍圈示意)。
5) 煲柄防熱膠部分要夠「高」(見圖中紅圈示意)，唔好買果D蠢才設計，個煲柄低到響煲邊等燒熔。
仲有要注意：
6) 買番黎試下佢會唔會響，我最初買果個(Eagle牌)唔識響，要去換個個(同款設計Kitchen Star牌)至會響。
7) 煲緊時如要揭蓋睇湯，要小心唔好太大動作，要向外揭，因為蒸氣好熱。
8) 煲湯時記得煲柄要垂直，膠把部分要遠離熱源。唔好橫放，否則膠把會超熱甚至變形。(呢個係以前用蠢才水煲煲水既經驗。)圖中咁放就係要拎起個蓋時先咁樣，煲緊水或湯時記得唔好咁樣
如果注意以上各點，就可以好開心煲水煲湯。我已經用呢個水煲煲過三煲湯喇！
2011年11月30日 星期三
煲粥炒麵 Congee And Fried Noodle
細個時屋企間中會唔煮飯，阿爸阿媽話今餐唔食飯喇，一於煲粥炒麵啦！果陣時覺得好開心架。
最鍾意食既係柴魚花生豬骨粥，阿媽最鍾意炒既係肉絲炒油麵，落埋韭菜芽菜。
而家油麵太肥喇，我改左用乾麵餅黎炒。
錦興全蛋麵四個，我用左「肥哉摷炒法」整左個青菜摷炒麵。
麵既調味料落左地魚粉、蠔油、頤和園生抽、糖、雞粉，摷勻醃至入晒味先炒。
粥就用粥鼎煲好一巨煲柴魚花生豬骨粥。
嘩，正呀，成朝個個就係食呢大煲粥同一大碟炒麵。
2011年11月28日 星期一
區利昌單柄平底生鐵鑊 Au's Single Handle Flat Bottomed Cast Iron Wok
需要補記一下：我今日(30-11-2011)煎蛋之後洗鑊，抹乾時就抹出黑色呀。D油都有微黑。可能未做好開鑊，要用一段時間先會改善。唔想誤導大家，特此補記。
上海街有間唔起眼既半邊鋪，叫區利昌刀庄，有兩位大叔睇鋪。
佢地賣既生鐵鑊，係好野黎。
我買左隻單柄平底生鐵鑊，95元。冇隻耳仔既就賣90元。仲有大D既就貴D，不過我覺得呢個size就岩，我可以輕鬆拋鑊，女士就可能仍然重左D。
番黎省乾淨，燒熱，落油搽勻再燒熱，沖洗省勻就已經開完鑊(大叔教既仍然係肥豬肉韭菜)。
首先煎隻荷包蛋，完全唔黐，可以輕易翻起。不過冇影到相。
之後又煎過雞扒，又唔黐，非常好用。
炒菜當然冇問題，冇出黑野。
(補記：不過今日30-11-2011煎蛋後抹鑊就抹出黑野)
炒蛋一樣掂。
其貌不揚，手工粗糙，此所謂實而不華也！
2011年11月27日 星期日
昆布海藻綠豆沙 Sea Kelp And Sea Algae Green Bean Paste Sweet Soup
綠豆一碗，陳皮一角，昆布一條，海藻適量。
此時放入已浸水剪好既昆布同海藻，再煲至昆布腍身。
加入冰糖，調校至甜度適中即可享用。
Patrick and Joel: Staub 圓形琺瑯鑄鐵煲 Round Cocotte 20cm and 24cm
唔買唔買終於買，仲一買買兩個！
事實上呢款煲又真係好靚，我鍾意佢既硬朗外形設計，一睇已經比另一個同類名牌吸引好多。
當然仲有就係煲內壁係黑色搪瓷，唔係白色，我認為呢樣係好重要既加分因素。點解，日子有功，煮落就自然明白。
再加上煲蓋內既「自循環水珠設計」，真係一絕。而且煲蓋頂粒「的」(手柄)係燿眼既金屬「的」，更加醒目。
於是我就做左百貨公司同代理商既「戰利品」喇。
個「羅勒綠」Basil green 20CM 煲仔係由Patrick做檢查員既，就叫呢個煲仔做Patrick仔啦。
個「羅勒綠」Basil green 20CM 煲仔係由Patrick做檢查員既，就叫呢個煲仔做Patrick仔啦。
個「櫻桃紅」Cherry 24CM 煲既檢查員就係阿Joel(男定女？)，就叫佢做阿Joel啦！
兩個廚房玩具用左我二千幾蚊！
兩個廚房玩具用左我二千幾蚊！
我一向用慣粗野，呢兩個煲而家有D唔捨得用添，真係大鄉里。尤其係唔捨得就咁擺上明火燒，睇怕又要晒錢買塊散熱板喇。
2011年11月26日 星期六
日本岩鑄鐵茶壺 Japan Iwachu Cast Iron Teapot
造型美觀，內附茶隔，方便泡茶。
壺下方鑄有「岩鑄」字樣，字體方正。
另一邊竟鑄刻英文MADE IN JAPAN，古雅茶壺鑄此英文，有傷雅趣矣，此舉舊品當無？
泡茶一壺，有云鐵壺能釋鐵質入茶，有益健康，信乎？
2011年11月20日 星期日
西芹合桃炒珍肝 Stir Fried Celery, Wallnut and Chicken Liver
雞肝美味，間中食少少，都唔錯呀。今次買左新鮮雞肝十元(四個)，西芹半棵，原個合桃適量。
雞肝先用玫瑰露酒、豉油、糖、鹽、雞粉、麻油等醃過夜。
西芹去外皮切斜度，合桃拍開取肉。
我唔想「生炒」雞肝，所以先蒸熟，再沖洗乾淨放入雪櫃雪硬再取出切片備用。
合桃先炒香炒至脆身備用。燒熱鑊，落油，薑，爆炒西芹，兜起。(按：隻鑊就係區利昌生鐵鑊。)
再大火燒熱鑊，放入雞肝爆香，贊酒。將西芹回鑊。
再放入合桃，埋獻收汁即可上碟。
2011年11月19日 星期六
乾燒蝦子麵餅 Braised Shrimp Egg Noodle Cakes
琴日行過砵蘭街，無意中見到一間粉麵鋪，原來係香港名牌，買左一包蝦子麵餅(23元6個)，一包全蛋麵餅(18元6個)，每個麵餅都係獨立包裝。有粗麵有幼麵。 睇賣相麵餅造得相當唔錯，精緻幼細。我用乾燒法整左兩個蝦子麵餅。
完全冇落任何調味，麵餅本身都好夠味，佢原本預你會放湯，而家我用乾燒，味道略鹹。
麵質幼滑而有韌度，賣成四元一個，都係物有所值。
訂閱：
文章 (Atom)