香草煎狹鱈魚柳 Fried Pollock Fillet

去超市見到有急凍狹鱈魚柳，一包四塊，買左一包試下。

只用簡單香煎法，魚柳解凍後，落少少奧勒岡葉碎，鹽、紹酒、醃透。

用平底易潔鑊中慢火煎香，再炒少少西芹埋個獻汁淋上面，就可以上碟。

呢款狹鱈魚肉質較硬，冇銀鱈魚咁軟滑，油脂也較少。

其實整時我已經諗起「柴魚」，質地有少少似，味道冇乜驚喜，尚算可以啦。

 

 

 

 

肉片羅秀湯米粉 Sliced Pork Rice Noodle In Soup

裕華國貨現在舉辦緊廣西商品展。有日上去買左幾種廣西特產食品。呢款「羅秀米粉」係其中一種。

屋企冇咩配料，只有碗醃肉片。我志在試下呢隻米粉既口感，就簡簡單單整左呢碗肉片湯米。

食落口感一般，其實仲比較「鞋口」。可能係我唔識整啦。

用有大半包，下次可以整個摷米試下。

 

 

 

 

肉片羅秀湯米粉

 

文章預存

肉片羅秀湯米粉

最近裕華舉辦廣西商品節，去買左一D廣西特產食品。例如呢包「羅秀米粉」。

裏面既米粉同一般見慣既有少少唔同，佢係一條條可以分開的。

屋企冇咩配料，只有醃肉片。我志在試下米粉既口感，於是就隨便煮左呢個肉片羅秀米粉。

第一次整，感覺粉質比較「鞋」，並唔係太滑。可能係可唔識整啦。

仲有大半包，下次可以整個摷米。

肥哉廚房隨意窩網址已搬家完成喇！

各位網友：

我將六百幾篇舊貼文搬去隨意窩，已經全部搬完喇！大家如果有興趣睇番我既舊貼文，請去隨意窩。網址係：

http://blog.xuite.net/fatjoykitchen/hkblog

而家搞出個兩頭住家，我都唔知點算。我可能會兩邊都試用下，鍾意響呢邊煮，鍾意又可以響果邊煮。現實世界我個廚房好細，而家網上有兩個廚房，真係發夢都估唔到呢！

谷歌呢邊個廚房，我上載資料好唔方便，個網站同我部電腦同埋IE瀏覽器既版本有衝突，成日都無法上傳資料，真係激死。我下個星期會去隨意窩果邊試下。

哈哈哈！希望大家繼續多多指呀！

肥哉

紅腰豆粟米粒炒「炒飯」Stir-Fried "Stir-Fried Rice" With Red Kidney Bean And Corn

咩炒「炒飯」呀？係呀，我係炒呢個炒飯呀。去街食剩半碟鹹魚雞粒炒飯，打包拎番屋企。
第二日點知冇人肯食。於是我要將佢起死回生，加入紅腰豆同粟米粒，即刻鹹魚翻生，掃清光！

呢碗炒飯係食店師傅炒架，用左蛋、雞肉、鹹魚粒、洋葱絲、菜心片。我加上紅腰豆、粟米粒，整色水之餘又增加纖維素。

 



紅腰豆同粟米預先烚熟，燒熱鑊落油爆炒一陣，再加入炒飯，落少少魚露再炒香炒至乾身，即可上碟。

 

 

呢碟野可以叫做鹹魚翻生炒飯，整「二手送菜」有時都幾好玩架！



 

 

 

 

 

 

 

 

家鄉艾籺 Hometown Argyi Dumpling

親友從鄉間帶來了一大盒艾籺，係傳統地方甜食。墨綠色既外表，雖然不很吸引，但係好有獨特鄉土風味。

唔係大冬菇呀，係一大盒艾籺！整四個試下味道：

放在滾水上蒸五分鐘左右就可以，裏面有花生碎、芝麻等材料，幾香甜。

 除左蒸，煎都可以，更香口。

 

 

 

 

欖菜西芹炒珊瑚蚌 Stir-Fried Sea Cucumber Intestine With Celery And Preserved Olive Vegetable

行超級市場，見到包加拿大珊瑚蚌，其實係紅海參既腸臟。買埋西芹，用埋屋企剩落既欖菜，就炒左呢碟野。

呢包加拿大珊瑚蚌，要$59.9，都幾貴，炒埋只得一碟，成本都好高。

珊瑚蚌解凍後，用薑葱出出水，過冷河，再用紹酒、鹽、雞粉醃一個鐘以上備用。

燒熱鑊，落油，落乾葱頭、蒜頭、乾辣椒、薑片，欖菜，爆炒已修剪好既珊瑚蚌，炒至收縮。落埋西芹，大火快炒，贊酒將西芹炒熟，埋少少獻收汁即可上碟。

 

紅海參腸好爽口，本身冇味，要靠調料，加入欖菜，可以提鮮。

 

 

有冇人教下我點樣將yahoo的貼文搬黎呢度呀？

Yahoo幫我「輕鬆搬家」搬左去台灣個隨意窩。但係隨意窩個style我唔係咁鍾意。
我鍾意呢度多D。
你地點將yahoo既內容搬黎呢度架？唔通要逐篇逐篇搬？？我有六百幾篇呀！

栗子炆雞煲 Braised Chestnut And Chicken In Pot

 

 

有日去逛新填地街，行過街市，買左半磅剝殼栗子。返到屋企樓下街市，再買左半隻清遠雞。落埋食剩既少少叉燒，就整左呢個栗子炆雞煲。

栗子幾靚，粒粒都食得。半隻鷄用老抽、紹酒、糖、鹽、胡椒粉醃好放入雪櫃醃過夜，第二日就可以整喇！



想用少D油，用易潔鑊爆雞，雞皮會出油，落一茶匙生油即可。落乾葱、紫洋葱、薑片起鑊，再落雞，爆至兩面微焦香。



之後落栗子，再爆炒一陣。再落一碗水，落少少蠔油，加入三隻原隻乾指天椒，加蓋用中火炆煮。炆至栗子腍雞全熟，埋獻。再換落瓦煲仔，燒至姐姐聲即可上枱。



 



I just want to say "delicious!!" but I can't type Chinese at this moment. I don't know why. This blog site is not that easy to use. It is sometimes quite discouraging...

游水石斑 Swimming Garouper

某日去晚飯，等位時睇到缸裏面既游水石斑，呢種魚其實好靚。睇佢體型優美，動作從容，儀態閒雅。。。可惜已成待宰之囚，一嘆。

蓮藕黃豆炆豬腩 Braised Lotus Root Yellow Bean With Pork Rib

煲蓮藕湯用剩半截蓮藕，整豆漿用剩半杯黃豆，點好呢？一於買舊肉排(25元)，整左呢味蓮藕黃豆炆肉排。

肉排出水後，我用陶瓷煲慢火煎佢d油出黎，結果煎出7茶匙豬油，冇要。再用清水涼洗肉排去油。

加水，先落肉排同蓮藕炆煮三十分鐘以上，再落預先已浸好既黃豆，再炆。

炆至差唔多時，落味料：紹酒、蠔油、冰糖、老抽，再炆至收汁即可上碟。我唔想太黐口，所以冇打獻。

買菜冇葱送 Buy Vegetable Without Green Onion

唔係掛，買斤菜芯冇葱俾？話說我響街市某檔口買左斤九元斤菜芯，果位菜檔姐姐入左菜入膠袋就放響度停晒手。

我企響度等葱，見佢有反應，就話：唔該俾條葱丫。點知佢好似放慢鏡咁，仲口Up Up話：買十元以下冇蔥俾喇。極不願意咁就搣左呢條蔥塞入個膠袋度。

我忍唔住話：唔係下麻！駛唔駛咁呀！以後都唔會再幫襯。

唔知你地有冇相同遭遇呢？

紫番薯蓉鯖魚餅 Purple Sweet Potato Paste Mackerel Cake

買左四個紫心番薯，本來諗住就咁蒸黎食，點知蒸完要出街唔得閒，放左入雪櫃。心念一轉，不如搞搞新意思，整個番薯餅啦。

將四個番薯搓爛，加入葱花、俄勒岡葉撈勻。

再煎香條鯖魚，拆肉。將魚肉撈入薯蓉，加入亞麻子碎，胡椒粉，檻欖油，鹽調味。

用慢火煎香，上碟，灑上葱粒紫洋葱粒，搞掂。



鯖魚本身有豐富魚油，呢個番薯餅唔駛落太多油煎，否則吸油會太肥膩。

肥哉隨意窩試貼文

各位老友記：

肥哉搬左黎呢度實個幾月，不過我仲係等緊佢「贈送空間」，而家仲係「贈送空間中」。唔想令各位以為我失左蹤，所以試貼一文。

呢度似乎係台灣朋友睇多，香港老友記唔知慣唔慣。我都好煩，google個網我又貼唔到相又唔可以自動搬過去，呢度又好似空間有限。真係俾個也虎玩死。

你地見字就俾個回應我啦！

肥哉字

肥哉廚房在「隨意窩」的網址

各位老友記：

我地好似失散左咁喎，你地有冇黎過？Yahoo已幫我搬左去「隨意窩」，網址係：

http://blog.xuite.net/fatjoykitchen/hkblog

所有以前既內容都保留番，唔使我逐篇加番晒，都好方便。

我會試下響果邊用一排。你地見字去睇睇啦。

肥哉

各位老友再見喇！Goodbye my good friends!

各位支持肥哉既朋友，幾年來好多謝你地黎睇我個網誌，無論你地有冇留言，我都好感謝！
你地既光臨，係我繼續落去既動力。我已在google開左個「肥哉廚房」網站http://fatjoyskitchen.blogspot.hk/，不過我唔係好識用google blog，我會慢慢適應。
我可能會將所有舊post搬去隨意窩，因為yahoo話可以全部幫我地搬過去，似乎好方便。如果我搬去隨意窩，個名都會用「肥哉廚房」。

我大後日就會㩒制「匯出資料」，下星期呢隻度就變左唯讀模式，即係唔可以post野又唔可以留言，只可齋睇。所以而家通知各位，加油加油、朱媽媽、半日安、莎莉、tdk Tang、美國既Mr.Yu、Angela MY等等等等各位網友(冇打你名唔好見怪)。。。。。。好多謝你地呀，我地後會有期喇！

肥哉祝大家開開心心，萬事如意，食得是福，身體健康！！

肥哉谷歌開爐之：淮杞炆雞翼 Braised Chicken Wings With Chinese Yam and Wolfberries

搬過黎樣樣都唔未習慣，唯有慢慢適應啦。

今日整左一碟淮山杞子炆雞翼，就試下做個谷歌開爐首貼。



材料：

1）淮山、杞子、圓肉適量。

 

2）雞中翼一磅。



做法：
1）先將雞中翼解凍慢火出水。再過多次冷河，用老抽、糖、薑汁、紹酒、蠔油醃勻放入雪櫃一小時以上。
2）淮山預先浸洗乾淨再煲到腍備用。
3）杞子圓肉用熱水浸洗乾淨備用。
4）燒熱瓦煲，落少少油，用薑片起煲，放入雞翼同圓肉，加少少水先慢火炆一陣。


5）再放入淮山杞子(杞子留起少少），繼續炆。
6）炆至雞翼全熟，汁液收至濃稠，即可熄火局一局。



7）上碟，灑上少少鮮紅杞子整色水，成碟靚晒。