2012年最後一貼係個滋潤湯水。淮杞脊花花爪瓜湯：淮山杞子豬脊骨花膠花生鳳爪木瓜湯！哈哈。
煲湯最簡單，材料準備好之後，煲一大煲水，然後Dum晒落去用中火煲佢三四個鐘就飲得。
唔駛加味都已經夠甜，落少少鹽更和味。
轉慢火微微煲住，煲到米白色，煲到跨年，更濃郁美味！
2013新年快樂！
2012年12月31日 星期一
淮杞脊花花爪瓜湯 Papaya Fish Maw Chicken Feet Pork Rib Soup
2012年最後一貼係個滋潤湯水。淮杞脊花花爪瓜湯：淮山杞子豬脊骨花膠花生鳳爪木瓜湯！哈哈。
煲湯最簡單，材料準備好之後，煲一大煲水，然後Dum晒落去用中火煲佢三四個鐘就飲得。
唔駛加味都已經夠甜，落少少鹽更和味。
轉慢火微微煲住，煲到米白色，煲到跨年，更濃郁美味！
2013新年快樂！
2012年12月28日 星期五
三角芝士 Triangle Cheese
細個時成日食呢類圓盒三角芝士，覺得佢好有趣，開左盒就咁成舊咬，就好似圖畫中小朋友一樣。
以前食果款較硬身，而家呢盒比較軟。
味道就差唔多，幾有懷舊feel。
病完要食番D有營養野，雖然係比細路哥補鈣補維他命，但唔理咁多，照食可也！
2012年12月26日 星期三
龍蝦片 Lobster Flavor Chips
各位老友聖誕快樂呀！今日貼個簡單post頂住檔同大家打下招呼先。
哎，我放假前病左呀，好彩病完先岩岩放聖誕，都仲可以去食聖誕大餐。
加油加油教我既包包買左發粉都未整呀，病左成個幾星期。天氣忽暖忽凍，流感病毒好勁，各位小心呀。
呢包龍蝦片響阿信屋買，十一元大大包，不過睇真D只係「仿龍蝦味脆片」，係食薯粉同調味粉，味道都OK。
2012年12月11日 星期二
澳門樂宮合桃曲奇餅 Macau Lucky Walnut Cookies
澳門樂宮餐廳餅店既曲奇餅久聞其名。
買左一罐，打開，有一張「聲明」，真係少見，其實係產品宣傳單張。
又有一張10元贈券，真係意外收獲，餅店都幾識顧客心理。
餅香四溢，牛油味香濃。入口十分非常勁鬆化！真係名不虛傳。
牛油同鬆化口感，蓋過左合桃。另有一款腰果曲奇，冇買。
留意下佢裏面既擺餅既方法！你睇下一塊塊曲奇餅迫到實一實，所有虛位都老老實實塞滿晒。呢種「古風」，幾近失傳，真係難能可貴。
而家好多都用「包裝」食位，冇可能裝滿咁多咯。
雖然牛油曲奇響我屋企係限量供應食物，但都忍唔住食多兩件。
2012年12月10日 星期一
文華咖啡冰廳 Man Wah Coffee & Ice Cafe
飲咖啡你會諗起……starbucks? pacific? 定 mccafe? 定係呢間？
呢間"coffee shop"位於紅磡，睇怕唔後生過前面兩個伯伯幾多。
睇下招牌既字型，「出爐麵包西餅」下面隻超大窗花，呢D設計都真係經典。
要買要食就趁快喇。
2012年12月9日 星期日
自家製辣椒油 Homemade Chili Oil
潮州辣椒油風味好，出面整得好既潮州粉麵鋪要賣成四五十元樽。
超市買到既又唔好味，一於試下自家製。
今次要出動我樽三年陳乾辣椒，再加鮮指天椒，加埋花椒八角薑片。
就係呢五樣，網上文章多數話要落埋蒜頭，不過我唔鍾意蒜頭奪味，冇落。
數一數鮮指天椒45隻，乾指天椒29隻。
先用薑片同八角同半茶匙鹽起油鑊，再炸剪碎既鮮指天椒。
炸至轉深色，落埋乾椒同樁碎左既花椒。
慢火炸至收水出味，攤凍，隔渣即可入樽。
即刻煮碗灣仔碼頭水餃，為左試下呢樽肥哉出品自家製辣椒油。
都算唔錯啦，夠辣，不過覺得爭咁一種味，係好食潮州鋪既辣油味，唔知落漏咩。
自家製辣油色水偏黃色，唔係橙色。放左一日之後，睇落變紅左好多。
今次要出動我樽三年陳乾辣椒，再加鮮指天椒，加埋花椒八角薑片。
就係呢五樣，網上文章多數話要落埋蒜頭，不過我唔鍾意蒜頭奪味，冇落。
數一數鮮指天椒45隻，乾指天椒29隻。
先用薑片同八角同半茶匙鹽起油鑊，再炸剪碎既鮮指天椒。
炸至轉深色，落埋乾椒同樁碎左既花椒。
慢火炸至收水出味，攤凍，隔渣即可入樽。
即刻煮碗灣仔碼頭水餃，為左試下呢樽肥哉出品自家製辣椒油。
都算唔錯啦，夠辣，不過覺得爭咁一種味，係好食潮州鋪既辣油味，唔知落漏咩。
自家製辣油色水偏黃色，唔係橙色。放左一日之後，睇落變紅左好多。
2012年12月7日 星期五
三線酒店點心 Third Class Hotel's Dim Sum
去旺角某三線酒店飲茶，點幾味傳統點心。
蝦餃↓ 皮厚左少少，摺數好似少左D。
叉燒餐包仔↓
山竹牛肉↓
芋角↓
再叫多碟海鮮會飯↓ 色水可以，不過用蟹柳要扣少少分。
蝦餃↓ 皮厚左少少，摺數好似少左D。
叉燒餐包仔↓
山竹牛肉↓
芋角↓
再叫多碟海鮮會飯↓ 色水可以，不過用蟹柳要扣少少分。
2012年12月6日 星期四
譚公道食肆 Tam Kung Road Eating Places
你數唔數到有幾多間食肆？
邊個招牌最有型？
。
。
。
。
。
。
。
。
。
。
。
。
。
。
。
。
倫記車仔麵 (24小時營業)
新南風飧(餐)廳
榮豐粥麵茶餐廳 (24小時通宵營業)
慶發飯店
合隆牛什專家 (馳名牛什、原汁大腩、新鮮草肚、孖筋金肚)
「金肚」我估係「金錢肚」掛，乜野係「草肚」？查查維基百科：
牛胃(香港通常把牛的四個胃稱為:草肚、金錢肚、牛百頁和牛沙瓜)
呢條直頭係食街黎。
2012年12月4日 星期二
三用梳打粉 Pure Baking Soda For Baking, Cleaning & Deodorizing
我少見多怪。呢盒「手瓜斧頭牌」梳打粉都夠神奇，可以用黎局麵包，可以用黎醫胃病，又可以用黎洗廁所除臭。
我記得以前響雜貨鋪買過盒係全英文美國製。而家多左簡體字。
三合一你話係咪正先。咁你會點用呢？
我就唔敢用黎整包同當藥飲，所以就用黎洗野。
果然潔力強，灑少少，用濕布卒兩卒，廚房油漬污漬清走晒。
跟手用黎洗浴缸同坐廁，因為同廚房無關就唔多講喇。
唔知有冇人試過用黎整包整餅呢，阿「加油加油」你敢唔敢試呀？
上網查一查，原來大有來頭，個使用說明檔有二十幾頁，可以稱得上係萬能粉。
2012年12月3日 星期一
真係菜「心」炒牛肉 Stir-Fried Beef Strips With Inner Parts Of Vegetable
哥仔菜心靚呀，十六元兩斤。
一斤夠喇。
食多D兩斤啦，一斤九元喎。
要一斤夠喇，食唔晒(遞出一張十元紙)。
……十元齊頭(塞多一條菜)俾埋你。
……
咁就半推半就俾個菜檔姐姐收左我十元斤菜心。
返到屋企發覺唔係好對路，菜心好老，已經修短過。
一斤搣埋得番一半，搣左半斤菜莢出黎，唔好徙，滾肉丸湯。
我肥哉(借我條金魚個名自稱)買野冇咁差，今次真係一時失策。搣到我媽媽聲，得番丁多用黎炒牛肉。
呢碟真正係菜「心」炒牛肉黎架！
同場加映：菜莢肉丸湯
2012年12月2日 星期日
滑蛋蝦仁 Stir-Fried Shrimps With Scrambled Eggs
呢碟滑蛋蝦仁，用既蛋係日本鹿兒島雞蛋三隻。
話說超市而家賣蛋，個盒用膠紙封實，冇得揀。外國蛋個紙盒封密晒，睇唔到D蛋靚唔靚，點買呀？
都係日本人夠細心，佢用個全透明膠盒裝蛋，十隻一目了然。雖然要三十幾元盒，都係抵俾佢賺既。
真係大鄉里，第一次買日本蛋。就整碟滑蛋蝦仁試下。
日本人做事認真，蛋量重都人專人負責，仲開晒名。
蛋都幾靚，三隻個黃都挺身，好新鮮。
專登落紅指天椒同蔥花，等佢色彩鮮艷D。
香滑、好味！
訂閱：
文章 (Atom)