唔知幾時開始，砵仔糕已經變晒碗仔糕。
網上砵仔糕配方多蘿蘿，今次試整呢個綜合配方，可以整四個小型碗仔糕。
粘米粉100克。木薯粉30克。澄麵20克。開粉用水100克。
蔗糖(片糖)50克。煮糖用水150克。
紅豆適量。
做法：
1 紅豆浸透，慢火煮熟備用。
2 片糖用150克水煮溶。
2 三種粉用水開成粉漿，沖入糖水再攪勻。
3 四隻細碗放入鑊內蒸架上，倒入粉漿，中火蒸1-2分鐘。
4 開蓋，在粉漿面灑上紅豆，加蓋大火蒸20分鐘。
5 熄火，攤凍後放入雪櫃保存。
砵仔糕要凍食，稍為雪凍後，更爽口更正。
唔知幾時開始，砵仔糕已經變晒碗仔糕，不過仍然叫做砵仔糕。呢款小食係肥哉童年回憶，記得細個時，砵仔糕已經係用碗裝架喇。
碗仔糕(砵仔糕)配方多蘿蘿，今次試整用以下綜合配方：
粘米粉50克
木薯粉30克
澄麵20克
開粉用水100克
蔗糖(片糖)50克
煮蔗糖水150克
紅豆適量
做法：
1 紅豆浸透，用慢火煮熟(軟度隨喜愛調校)。
2 三種粉用水開成粉漿。
3 煲滾150水，煮溶50克蔗糖，然後沖入粉漿內攪勻。
4 細碗四隻，掃少少油，放入鑊中蒸熱。
5 倒入粉漿先中火蒸一兩分鐘。
6 灑上紅豆，加蓋大火蒸二十分鐘熄火局一陣。
整好左既碗仔糕唔好即刻食，宜攤凍後放入雪櫃保存。雪凍後食更爽口更正。
鮮淮山一枝7元。紅綠燈籠椒各一個7元。軟豆乾一塊3.5元。牛肉一塊19.9元。
做法：
1 所有材料切方粒、方塊。
2 淮山用鹽水浸一陣，再出水，瀝乾水份備用。
3 牛肉粒落生抽、老抽、酒、水、糖、油醃勻備用。
4 豆乾落鑊煎至四面金黃色備用。
5 豆豉、薑粒爆香起鑊，落牛肉粒快炒一陣。
再落雙椒爆炒，最後落豆乾、淮山，埋獻收汁即成。
今日人日，食下粥先。
整番個豬膶肉丸生菜鹹魚粥。祝大家：
珠圓玉潤，和氣生財，年年有餘，歲歲豐足！
材料：
1 食剩白飯一大碗。
2 豬膶10元。
3 半肥瘦豬肉20元攪碎，鯪魚肉膠10元。
4 生菜適量(12元斤)。
5 馬友鹹魚一片(屋企買落)
準備：
1 白飯加水用攪拌機攪成飯糊。
2 馬友鹹魚洗淨，去骨，剪粒備用。
3 豬膶切略厚片，加鹽、糖、生抽、少少梳打粉、酒、薑粒醃至入味備用。
4 半肥瘦豬肉同鯪魚肉加老抽、糖、鹽、酒、陳皮絲攪勻至起膠備用。
5 生菜切絲、薑切絲、蔥切粒備用。
做法：
1 煲粥底：煲滾二公升水，落陳皮，落飯糊先煲一小時。
2 豬膶出水白灼至八成熟，撈起過冷河洗乾淨。
3 豬肉魚肉混合膠整成肉丸，放入滾水煮至八成熟，過冷河洗乾淨。
4 粥煲一小時後，放入馬友鹹魚粒，再煲一小時。
5 將肉丸、豬膶放入粥內，再煲十分鐘。
6 調味，灑上蔥粒即成。
可以在碗底放上生菜絲，把滾粥倒入享用(見頂圖)。
紅龜粿寓意長壽，今日專登整黎賀新年。
材料：
1 紅龜粿模一個，火龍果一個。
2 生粉一碗，粘米粉一碗，糯米粉半碗。
3 糯米碗半，臘腸兩條。
4 中芹兩棵，冬菇兩隻，菜甫適量。
做法：
1 粿皮：做法參考我以前個post「紅桃粿」。http://hk.myblog.yahoo.com/fatjoykitchen/article?mid=438
2 餡料：先蒸個臘腸糯米飯，參考我以前個post「臘味蒸糯米飯」。http://hk.myblog.yahoo.com/fatjoykitchen/article?mid=508
3 炒中芹、冬菇、菜甫粒，撈入糯米飯內(臘腸先切粒撈勻)。
4 包粿，壓入模，打出。
5 大火蒸7分鐘即成！
四隻紅龜迎金虎！
今日響街市見到紅尖椒幾新鮮，靈機一動，就決定整味煎釀尖椒。買埋綠尖椒，紅紅綠綠共7隻，只係3.5元。
現成鯪魚肉12元。
陳皮、蝦米、肥豬肉、蔥適量。
做法：
1 陳皮、蝦米浸軟洗淨，切細粒。肥豬肉、蔥切細粒備用。
2 將上面1所有材料加入魚肉中攪勻至起膠。
3 尖椒在中間打直切開，去核，再在中間切開，即一開四件，洗淨。
4 釀尖椒：在椒內搽少少生粉，釀入魚肉。
5 用易潔平底鑊，落油，魚肉向下放入尖椒慢慢煎。
6 煎至魚肉微焦香，兜亂，贊少少酒，加蓋煎局一陣。
7 煎至魚肉、尖椒都熟，埋個薄獻(我今次埋薄獻：生粉、蠔油、糖、生抽。可以埋厚獻：再加入蒜頭、豆豉，要多汁。)，煮至收汁即成。
青尖椒香甜，紅尖椒微辣，食味各有不同架！
