窩蛋番茄肥牛 Fresh Egg in Fried Fat Beef on Tomato Paste

新鮮蛋白四流，令肥牛更滑。

響惠記買左包美國肥牛，再買多三個番茄同一個洋蔥，雪櫃仲有一隻走地雞蛋，呢四樣加埋就整左呢碟野喇。

我首先切碎半個洋蔥，再切碎三個番茄。落油用薑片起鑊，將洋蔥同番茄爆炒，落兩片Bay leaf，落鹽、糖、生抽、雞粉、水，將佢洋蔥同番茄煮溶煮杰身，再落油、埋獻試味，兜起放入大碟底。

再大火燒紅鑊，落油爆炒肥牛(已預先用蠔油、油、生粉、糖、生抽醃一小時以上)，炒至剛熟收汁，立即兜起放在洋蔥番茄葺上。

最後在肥牛中心開一個窩仔，傾入新鮮雞蛋一隻。

喂，趁熱開飯啦！