瓜菜炒肉，如用兩種瓜菜就可以有無窮配搭。呢碟酸菜絲瓜炒牛柳就係一例。酸菜鹹脆，絲瓜爽滑清甜，兩種口味口感各異，但係又好夾。同炒牛柳，非常美味醒胃，各位不妨一試。
材料好簡單：酸菜只需少量，絲瓜半個，牛柳肉適量，薑絲、蒜片、紅椒絲，就係咁多。
酸菜先用白鑊烘乾兜起。落油燒熱，落薑絲爆炒牛肉。再落切成滾度批左皮嘅絲瓜同蒜片，贊水贊酒，炒至絲瓜軟身，埋獻調味略為收汁即可上碟。
炒酸菜不宜太乾身，留多少少汁，非常惹味，送飯一流！
***Please leave your feedback, thanks!***
沒有留言:
張貼留言