雪雞全翼7隻22元。
主要味料：
1 玫瑰露酒。
2 頭遍老抽。
3 片糖。
做法：
1 雞翼解凍，用老抽、生抽、糖、陳皮、薑蓉、乾蔥、玫瑰露酒醃兩小時。
2 玫瑰豉油汁：清水三碗，老抽3湯匙，片糖三分一塊，玫瑰露酒一瓶蓋，薑片、蔥條適量，八角幾粒。大火煲滾一陣。
3 將雞翼放入玫瑰豉油汁內，中火煲5分鐘，熄火，浸10分鐘，取出雞翼。
4 煲內汁液再煲滾收水，煲至較濃稠攤凍備用。
5 雞翼攤凍後斬件，放入已攤凍之汁液內浸過夜。
6 第二日用慢火加熱已凝結之汁液，取出雞翼上碟即成。
雞翼入晒味，好和味架。
啊啊 想問啊 有朋友話如果煮雞 翼呢 要用熱水滾10分鐘 之後風乾佢 之後就醃佢 會容易熟d同唔會有雪味啊 你認為要不要咁做呢
回覆刪除我冇咁做呀。我知做豉油雞呀，燒雞呀係要吊起佢風乾。我呢7隻雞翼就冇，只係醃左擺響度兩個幾鐘乍。
回覆刪除雞翼好易熟架，我滾5分鐘，浸10分鐘已經熟到入心。我D雞翼係徹底自解凍，換左好多次水。又落左玫瑰露酒，又浸左成晚，完全冇雪味。
玫瑰露係呢味野既靈魂。
我下星期整啊 但我唔浸過夜 早上整 一路浸到晚上 可以嗎 8角啊 唔落係唔係冇咁香呢
回覆刪除唔浸過夜都得。我建議你落多少少片糖，落一粒咁多八角啦，唔落都得。最緊要係靚豉油、片糖要足以帶出甜味。同埋唔好滾雞翼咁耐，3分鐘我諗都得。我呢碟其實有少少過熟。
回覆刪除