雙黃芋蓉四星伴月 Taro Paste Double Duck York Mooncake

整左我兩日喇。

肥哉版「雙黃蓮(芋)蓉」+「四星伴月」！四星太淺色，可以耐D先出爐。

預祝大家中秋節人月雙圓，闔家歡樂！

整到個廚房七國咁亂。唔寫咁多喇，影左好多張相。揀左一D貼上黎，你地睇下連環圖啦。

搓餅皮：

餅皮搓好放入雪櫃雪一晚。

預備材料預備左一日，放入雪櫃第日整。上面果包唔係蓮蓉黎，係自製既芋蓉。蓮蓉太難整喇，又唔想買現成既，所以用易整好多既芋蓉代替。

好好玩架！哈哈！

呢個係雙黃蓮蓉大模↓

打出黎個邊麻麻地。

四星「中」、「秋」、「月」、「餅」準備入爐。

大餅搽蛋黃液。

四星伴月出爐喇！！！

聽講話要等「回油」，咁等正日先食佢地啦。

切開裏面唔知係點樣既呢？好心急添。

補番個餅皮配料：

麵粉90克。油20克。糖漿60克。梳打粉四分一茶匙+水二分一茶匙。鹽少許。