勝瓜雲耳炒肉片[去豉油版]

炒個清清地既小菜。

勝瓜一個4元。豬腍肉20元(只需用一半)。雲耳適量。

勝瓜刨皮切滾度、丁度。豬肉切片，落少少糖、鹽、梳打粉、雞粉、紹酒、水、油撈勻。雲耳浸軟摘乾淨，落少少糖、鹽、油撈勻。

先用低溫油中慢火炒肉片至剛熟，兜起。

爆炒雲耳，贊少少水加蓋炆一陣。開蓋，落勝瓜，贊少少水炒至軟身。

肉片回鑊，埋個玻璃甗至收乾汁液，即可上碟。

呢碟小炒完全冇落豉油，我要個色水自然D，清D。