行過街市見到蓮霧，14元磅，買左5個，18元。
用蓮霧炒冬瓜同節瓜條，爽脆清甜，健康有益。
冬瓜一片4元。節瓜兩個。兩種瓜都切條。蓮霧兩個切丁度。
用易潔鑊，落薑起鑊，先半煎炒節瓜條，邊煎邊逐少贊水，晒少少鹽，將節瓜煎炒至微焦並略收水。
再用薑起鑊半煎炒冬瓜，邊煎邊贊水，晒少少雞粉，將冬瓜煎至透明。
節瓜回鑊，撈勻，贊少少紹酒，將雙瓜煎熟但要脆身，不要過熟，不要腍身。
放入蓮霧，兜勻即可上碟。
屋企有樽蝦子，上碟前落左D。
變成蓮霧蝦子清炒雙瓜條！爽呀！
哇哇哇 你煮得好好呀 又靚喎 邊個咁有口福呀)))))))))))))))))))))))))))))))))))))))
哈哈，好多謝你，過獎喇。屋企人都OK啦，我中意食爽脆D既瓜條，阿媽就鍾意腍D。
我只當水果食咋,原來入餸都得 謝謝
可以架，同冬瓜好夾添。你試下就知。
哇哇哇 你煮得好好呀 又靚喎 邊個咁有口福呀)))))))))))))))))))))))))))))))))))))))
回覆刪除哈哈，好多謝你，過獎喇。屋企人都OK啦，我中意食爽脆D既瓜條，阿媽就鍾意腍D。
回覆刪除我只當水果食咋,原來入餸都得
回覆刪除謝謝
可以架，同冬瓜好夾添。你試下就知。
回覆刪除