青豆洋蔥魚蓉煎蛋角[肥哉版]

我整既係單面蛋角，冇做對摺。

材料：

青豆角半斤。洋蔥半個。鯪魚膠10元。蝦米適量。蛋4隻。蔥適量。

做法：

1 青豆角切粒。洋蔥切粒。兩樣落鑊爆香，落少少鹽，炒至八成熟備用。

2 蝦米浸軟切碎，加入魚膠內。蔥切粒加入魚膠內。加少少水，將魚膠攪勻。

3 蛋4隻打勻，放入2攪成魚膠蛋漿，再加入1再攪勻。

4 用平底鑊，落適量油，用大湯匙逐匙傾入蛋料，煎時用木匙推成三角形。

5 將蛋角煎至兩面焦黃甘香，上碟。