1943老餅家，Wow... 要63.5一個，一盒254蚊，Wow...
肥哉粥餐之：鹹魚白菜粥
鹹魚：薑絲清蒸梅香馬友鹹魚
白菜：蒜蓉清炒無渣白菜仔
粥：瑤柱白果粥
西環海味鋪買番黎既馬友一條。切左一舊舊。今日用薑絲清蒸一舊仔，和味到痺。
鹹魚一舊洗淨，薑絲大量。
淋上欖油，再鋪上一層薑絲。
放入水滾鑊中大火蒸十五分鐘。
靚馬友鹹鮮甘香，味道雋永。要黎送飯、送粥一流。
家常小炒，真係無技術可言。不過簡簡單就是美，今次買到D無渣白菜，好好食。
白菜仔(長身)一斤7元。蒜頭、薑片適量。
生鐵鑊一隻。
白菜仔洗淨，好脆嫩，全部要晒。蒜頭整蓉，薑片切絲。
生鐵鑊燒油落鹽、薑絲、蒜蓉爆香。
燒到出煙落白菜，大火炒。
炒至岩岩熟上碟即成。
呢碟菜爽脆清甜，好好食呀。。。。。。
白飯兩碗。瑤柱四粒。白果一渣2元。陳皮兩片。
陳皮、瑤柱洗淨備用。白果剝殼去衣洗乾淨。
用大口瓦煲。
煲滾水，放入飯、陳皮、瑤柱、白果。係咁煲下、局下，要睇火，要搞動。要加水。直至煲到綿滑為止。
加鹽調味即可享用！此粥帶有瑤柱鮮味、白果甘味、陳皮香味，好正架！
梭羅魚一斤12元。豆卜3元。豆腐3元。芫茜一札2元。
D梭羅魚仔好新鮮架。
豆卜剪開浸下水，渣乾備用。豆腐切麻雀片備用。
梭羅魚洗淨瀝乾水。鑊落油爆薑片，放入梭羅魚煎至微焦香。
煲水至滾，放入薑片，胡椒粉，梭羅魚同豆卜，大火滾半個鐘。
魚湯隔渣倒入另一個煲。再放回豆卜，加入豆腐，大火煲滾，再滾二十分鐘。
倒入大湯碗，加少少芫茜零舍清香，要趁熱享用！
洋蔥半個。叉燒半條。雞蛋三隻。芫茜適量。
叉燒切細粒。洋蔥切粗粒。
燒油鑊爆香洋蔥，再放入叉燒炒勻上碟，攤凍鯨乾水同油。
雞蛋三隻打勻，落少少鹽同胡椒粉，放入芫茜，炒過已乾身既洋蔥同叉燒撈勻。大火燒油鑊倒入蛋料快炒離鑊。
俾D蛋碟上熟。
試下以前D老餅。。。細個時完全唔識食呢款餅，而家覺得可以接受。嫌個糖冬瓜太甜，清淡D會更好。
伍仁係指：糖蓮子、瓜子仁、杏仁、芝麻同欖仁。
整番個麻甩佬送先。
紅衫魚2條15元，幾新鮮架，兩條野仲係眼仔碌碌架。番茄3個5元。
做法：
1 紅衫魚清洗乾淨，修剪魚鰭，用粗鹽醃勻放入雪櫃備用。
2 番茄3個切粗粒備用。
3 煎紅衫魚：索乾晒水先好落鑊煎呀。紅衫色水其實幾靚架。
魚煎好上碟。爆番茄：落糖、鹽、胡椒粉、豉油、生粉煮成茄醬。
魚回鑊半炆煮一陣，即可上碟，加少少芫茜整色水。
