梭羅魚豆卜豆腐湯

梭羅魚一斤12元。豆卜3元。豆腐3元。芫茜一札2元。

D梭羅魚仔好新鮮架。

豆卜剪開浸下水，渣乾備用。豆腐切麻雀片備用。

梭羅魚洗淨瀝乾水。鑊落油爆薑片，放入梭羅魚煎至微焦香。

煲水至滾，放入薑片，胡椒粉，梭羅魚同豆卜，大火滾半個鐘。

魚湯隔渣倒入另一個煲。再放回豆卜，加入豆腐，大火煲滾，再滾二十分鐘。

倒入大湯碗，加少少芫茜零舍清香，要趁熱享用！