五青汁 Five Green Juice

  

今日買埋咁多青BB既野，睇怕都估到我想整乜啦。咪五青汁囉。要整呢個汁，買既料多於所需，計一計：八元一份苦瓜四個、八元一份青瓜兩條，青椒同西芹一齊買二十二元，青蘋果六個二十四元。總共用左六十二元。 



 

整一次所用既材料只係好少：苦瓜一個、西芹兩條、青蘋果一個、青瓜三份一條、青椒一個。

洗淨切碎放入攪拌機加水就可以。搾左一次，可以整到四杯。

味道清淡，連碎渣都飲埋，都幾容易入口。聽講可以清熱洗腸，不妨試試。