香煎芙蓉蛋 Fried Egg with Assorted Fillings

芙蓉蛋聽落平平無奇，但係要響住家整，就屬於麻煩菜式，因為要買呢樣果樣料，立立雜雜，樣樣要丁朵，越想多料越麻煩，整過你就知味道。

材料：

蛋、叉燒、火腿、銀芽、韭黃、蔥。

做法：

四隻蛋打勻，放入鹽、糖調味，仲可以按個人喜好加入雞粉、麻油、魚露等等。

銀芽用薑起鑊炒香索乾水備用。再爆炒叉燒同火腿絲，炒至微焦香備用。韭黃唔駛炒。再將所有材料混合蛋液。

落油燒熱鑊，傾入蛋漿用慢火煎至兩面金黃而內裏剛凝固。

趁熱裝一大碗飯，落D煲仔飯甜豉油，配清茶一杯，就係一餐晏晝飯啦！