菜遠牛肉絲手摷鮑魚麵

料：壽仔鮑魚麵四個。菜心10條(12元斤寧夏菜心)。牛肉一舊20元。指天椒兩隻。 街市賣牛肉哥哥幫我片薄左舊牛肉，方便切絲。

做：

1 牛肉切絲，加入糖、鼓油、胡椒粉、孖蒸酒、欖油醃一小時後入鑊炒熟。

2 菜遠十條炒熟。

3 鮑魚麵四個用滾水灼1-2分鐘搞散過冷河，用筲箕瀝乾水備用。

手摷麵：

用個大盆，將麵、牛肉絲、一包鮑魚麵調料、蠔油、指天椒粒全部放入去。洗乾淨雙手，用十隻手指將所有材料摷勻，至完全均勻入味為止。

準備易潔鑊一隻，將摷好既麵放入去慢火煎至部分麵身微脆。

準備大碟一隻，排上菜遠伴碟，再放上煎好既麵，加少許葱絲椒絲，即成一碟美味既菜遠牛肉絲手摷鮑魚麵！