蓮藕係奇特而美麗既食材，用黎炒，爽脆清甜。
加埋冬菇、雲耳，甜豆、中芹，落少少肉片，可以炒出色香味一大碟。
呢碟野完全唔落豉油，全部用無色調味料，主要係鹽、糖、雞粉、廚用玉冰燒酒。
由於蓮藕係切成薄片快炒至熟，所以要先將冬菇、雲耳用油鹽水或雞湯煮腍再瀝乾水。
再將甜豆灼至八成熟。
燒熱鑊，落油爆炒肉片至熟，加入藕片，贊水、酒爆炒，再落冬菇雲耳甜豆炒勻。
最後加埋中芹同少少紅指天椒粒，埋個薄獻炒至收汁即可上碟。
爽、甜、香、脆，鮮，好食呀！
2013年2月23日 星期六
冬菇雲耳甜豆中芹肉片炒藕片 Stir Fried Sliced Lotus Root With Mushroom And Black Fungus
蓮藕係奇特而美麗既食材，用黎炒，爽脆清甜。
加埋冬菇、雲耳，甜豆、中芹，落少少肉片，可以炒出色香味一大碟。
呢碟野完全唔落豉油，全部用無色調味料，主要係鹽、糖、雞粉、廚用玉冰燒酒。
由於蓮藕係切成薄片快炒至熟，所以要先將冬菇、雲耳用油鹽水或雞湯煮腍再瀝乾水。
再將甜豆灼至八成熟。
燒熱鑊，落油爆炒肉片至熟，加入藕片，贊水、酒爆炒，再落冬菇雲耳甜豆炒勻。
最後加埋中芹同少少紅指天椒粒，埋個薄獻炒至收汁即可上碟。
爽、甜、香、脆，鮮，好食呀！
2013年2月11日 星期一
蛇年步步高陞 (雲石紅棗馬蹄糕) Marble Red Date Water Chestnut Pudding
今日開年，搞搞新意思，本想整個蛋花紅棗馬蹄糕，但係整左出黎，叫佢做雲石紅棗馬蹄糕更貼切！
祝各位蛇年步步高陞！！
做法好簡單，就係跟呢盒馬蹄粉既說明去做。
呢盒馬蹄粉做出黎既糕，係「淨糕」，冇落馬蹄粒架，睇下個盒張相就知。
我唔單止落番馬蹄粒，仲落左紅棗粒，又加薑片煲黃冰糖水，同埋打左個蛋花落去，此所謂「錦上添花」！不過減左糖既份量，唔想太甜。
用左說明既一半份量，就煮出一大煲粉漿，一個圓圈蛋糕模都裝唔晒，仲有一大兜。
先蒸左一大底「蛇餅」，十二人一圍枱都食唔晒！
再蒸埋呢一大舊。
放入雪櫃雪凍，切出黎就咁食已經非常清甜，仲有陣蛋香。
裁出一舊仔，切開四件。
煎香熱食又係另一種滋味！
整左咁多食唔晒，各位網友仔，黎喇喂！！
2013年2月10日 星期日
2013年2月9日 星期六
蛇年黃金滿載(炸三角豆腐) Deep Fried Triangle Bean Curd
蛇年吉祥！！！恭祝各位靈巧若蛇，一年到晚笑騎騎！！
今晚團年家家大魚大肉，先黎一碟好意頭既「蛇年黃金滿載」！平、靚、正架！！
滑豆腐一塊，而家都要三個半，但係都算抵食。
將豆腐裁成一二至十四塊三角片，如果有時間整，可以先浸入白鹵水中浸一日。
然後燒熱油鑊，改用中火炸至兩面金黃。
此時可以灑少少淮鹽食。
又或者好我呢次咁，用蠔油、豉油、糖、酒、雞粉炆煮至收汁上碟。
滿載一碟黃金豆腐，索晒汁料，皮香肉滑，非常好食！
2013年2月3日 星期日
紫菜魚蛋湯 Purple Laver Fish Ball Soup
早排本地遊貪得意賣左包紫菜，浸少少已經發出好大碗，食極食唔晒。
今日浸一個，已發起裝滿成湯碗。最簡單做法就係滾個紫菜魚蛋湯。
而家街市檔既魚蛋一D都唔平，10粒要21元，而且都係麻麻地。
紫菜都幾靚，一D沙都冇。用個雞湯底黎滾，落少少芫茜蔥就滾出一大鍋。
湯味清鮮，魚蛋彈牙，紫菜夠味煙韌有咬勁，都幾特別。
台灣米 Taiwan Rice
屋企長期食泰國米，有日行百佳，見到包裝頗為精緻既呢包花東台粳九號，買黎一試。
上網查查，粳米即係所謂「蓬萊米」。
唔駛洗米，依佢既煮法，米同水比例係1比1.5。
煮出黎既飯，較潤滑軟黏。
我一向食慣偏硬既蝦仔飯，同呢碗口感好唔同。
鍾意食「軟飯」既就岩晒喇！
訂閱：
文章 (Atom)