冬菇雲耳甜豆中芹肉片炒藕片 Stir Fried Sliced Lotus Root With Mushroom And Black Fungus

蓮藕係奇特而美麗既食材，用黎炒，爽脆清甜。



加埋冬菇、雲耳，甜豆、中芹，落少少肉片，可以炒出色香味一大碟。



呢碟野完全唔落豉油，全部用無色調味料，主要係鹽、糖、雞粉、廚用玉冰燒酒。



由於蓮藕係切成薄片快炒至熟，所以要先將冬菇、雲耳用油鹽水或雞湯煮腍再瀝乾水。



再將甜豆灼至八成熟。



燒熱鑊，落油爆炒肉片至熟，加入藕片，贊水、酒爆炒，再落冬菇雲耳甜豆炒勻。
最後加埋中芹同少少紅指天椒粒，埋個薄獻炒至收汁即可上碟。



爽、甜、香、脆，鮮，好食呀！