五菇炆蝦子麵 Braised Shrimp Egg Noodle With Five Fungi

響超市買左包雜菇，一包有四款：金菇、秀珍菇、靈芝菇、杏鮑菇，用四份一包就夠。同埋屋企有冬菇，共五菇。



五菇用黎炆三個「金方蝦子麵」，做法簡單，可以炆出一大碟，夠六人食架！

我既做法係咁：



五菇切幼絲，落少少欖油爆香，贊兩碗半清水，再加入三個蝦子麵餅，直接炆煮至收水就食得。



呢個做法完全唔駛另加調味，五菇本身已有鮮味，蝦子麵本身有味，炆乾水，味道完全保留下來。好既麵餅係好夠味架，而且炆至乾水都唔會爛唔會斷成一截截。



最後落少少韭黃撈勻就可上碟。唔駛煮飯喇！