野山椒雲耳山根炆鯇魚腩 Braised Grass Carp Belly With Chili, Black Fungus And Bean Curd Puff

查資料顯示，野山椒即係指天椒。呢樽仔野山椒係綠色，用左六七隻黎炆呢味送。

 

另外仲有雲耳同山根，山根我買左兩包，一包唔夠。



當然仲有鯇魚腩，魚腩我用鹽醃過夜。

做法簡單：先將魚腩煎至兩面微焦香。再用味料(糖、雞粉、蠔油等等)先炆煮已洗乾淨同浸過水沖過水既雲耳同山根。



炆到雲耳腍山根軟身入味，再放入魚腩。此時加入兩碗水同野山椒，加蓋中火炆煮至魚味滲入配料中。

炆至收水一半，埋獻，再炆至汁液濃稠即可收火上碟。



呢碟炆魚腩要有多少少汁先好，可以用黎撈飯，味道一流。