呢隻碗係琴日買既，應係新批貨品。10元隻，而家呢個post已經係佢最靚既一面。
你地覺得點？順眼嗎？
驗下D米通，都仍算可以。不過碗底條龍……
並唔係在中央，退歪晒，另一邊摘晒界，而且龍頭矇查查血肉模糊。
再睇下裏面碗邊花紋，真係……
斷斷續續，唔乾淨，一撻撻。
工字圖案唔平行，斜晒，另一邊又高左。仲有中間隻「蝙蝠」化開晒無法辨認。
再睇下呢隻碗外面既圖案，又係……
出晒界，呢度都未算差，仲有……
係咪小學生參觀瓷廠時俾佢試玩架呢隻碗？整到鬼五馬六咁既樣。
睇埋碗底，仲離譜……
碗底圖案離開晒，歪埋一邊。睇真D，最經典既係……
中國景德鎮MADE IN CHINA字樣唔單止化晒蒙過蒙太奇，仲反轉左！碗底粗鞋唔突止，仲有一大粒刮手石。
真係反轉左貼架，個師傅(可唔可以叫佢師傅？)係咪訓緊覺？！
對十元八塊一隻既平民日用瓷碗，我唔會有過高要求，不過而家既人粗製濫造成咁，全不用心，全無誠意，沒有QC，令我感慨既係傳統文化、精神、美德既淪落。以小見大，其他可想而知。
十元買呢隻碗，絕對超值，它已成為我既另類收藏。
Hi 版主，您好。我是明周飲食版記者JAYCE，本人正撰寫文章關於「青花玲瓏」，對於閣下收藏米通瓷具，深感興趣。可否與你電聯？我的電話是6012 1466
回覆刪除