一卷兩食：蠔皇鮮竹卷+香煎腐皮卷 Soybean Milk Sheet Rolls In Two Dishes

去茶樓食點心，我好鍾意叫鮮竹卷，覺得佢好味，外皮煙韌，內餡爽脆。今日買左兩塊「腐皮」，4元塊共8元，要自己試下整。

原來工夫好多！

只用左一塊就整左8條。其實整出黎既究竟叫腐皮卷定鮮竹卷？「鮮竹」係咪即係「腐皮」？有冇人知呀。



煎既冇汁叫腐皮卷，打蠔皇獻再蒸既叫鮮竹卷，係咪呢？唔埋咁多，當係先啦。
餡料又係冇乜譜，各隨所好，不過我覺得要有爽口之物，例如筍絲。我今次用左五樣：
木耳絲、金菇、冬菇絲、筍衣絲、豬肉絲。如果唔落豬肉，呢味野就係齋菜。



做法都幾煩，如果唔鍾意整野食，就唔好試喇。



先將腐皮一塊(直徑24吋)剪成8塊備用，再將炒五絲分8份放入去包。



然後包好8條鮮竹卷，再燒熱較多油，逐條半炸半煎至香脆金黃色撈起。



至此香煎腐皮卷已做好，煎開一半就可以點汁料食。



再落去就係做蠔皇鮮竹卷。



首先開個蠔皇濃獻，將煎好既腐皮卷放入去索勻汁液。

放入碟上排好，用大火蒸5分鐘就食得！



嘩，好和味呀！8條卷比我一個人食左3條半，一路整一路食，好滿足！！