白鹵水豬手 Clear Marinade Sauce Pork Trotter

呢個凍食豬手爽而不膩，味道清香，可以當小食，送飯當然都可以。


我買左新鮮豬手一隻，49元，請師傅燒毛除毛斬開一塊塊。又買左包白鹵水料，另備鹽、冰糖、雞粉。


開雙爐頭，一邊煲白鹵水汁，用約六碗水加鹽、冰糖、雞粉同煲鹵水料。



另一邊將已洗淨豬手出水，再沖凍水，除去碎骨。再用滾水加幾滴白米醋烚30分鐘。


烚好後過冷河再放入冰水中再瀝乾水。將煲好既白鹵水過濾倒入豬手中。


放涼浸五六個鐘或浸過夜至豬手入味即可食用。