各位網友同好，如果你地同我一樣都鍾意呢類舊版青花米通瓷，就要留意我呢個貼文喇！
呢套13頭茶具，係今日我偶然響裕華發現。
裕華做緊大減價，兼且要清呢類舊貨，真係大平賣。
定價300都已經算平，而家特價138。13頭即係每件10元到乍。淨係買個提樑壺都已經值回票價，何況仲連埋六隻杯六隻碟！
呢款青花米通瓷，應係舊貨好野黎！做工比而家同類既精細。
茶杯通花仍算玲瓏，呢D好野真係買少見少架。
我鍾意佢既簡樸清雅，呢種傳統韻味同集體回憶，係而家新出既各類新款青花米通瓷無法取代既。
呢D舊版日用瓷，真係好值得珍惜！我今日買時見裕華仲有存貨，13頭只賣138元！各位有買就趁手喇！
鐘意！會去看看。。。！
回覆刪除不過廚櫃巳塞無可塞..................
我同朱爸好鐘意去裕華, 佢D特價品又平又正! 今次有正嘢,我都要去看看先。
回覆刪除早陣子我在一間準備執笠嘅古老雜貨店，買到兩個舊式 “蜜糖盅” 即黑炆炆哪種(我有相post出來！)，愛不惜手，依家一個收起櫃內，另一個只能放到地上，跟本塞無可塞。。。
回覆刪除對於我哋呢啲咁鐘意收藏舊物的人來說，真是無法子！！！
間中係會有平野。公司可能認為呢D舊野而家冇人要，所以平售掛。
回覆刪除