呢個魚腩係先煎後蒸，香而不燥。
鯇魚腩下裝一塊31元，用鹽、紹酒醃過夜。
抹乾水，先煎至兩面焦香。
放上碟，鋪薑絲，蒸10分鐘。
灑上青蔥，贊熟酒，淋豉油，搞掂。
2012年4月29日 星期日
蒸煎鯇魚腩 Steamed Fried Fish Belly
呢個魚腩係先煎後蒸，香而不燥。
鯇魚腩下裝一塊31元，用鹽、紹酒醃過夜。
抹乾水，先煎至兩面焦香。
放上碟，鋪薑絲，蒸10分鐘。
灑上青蔥，贊熟酒，淋豉油，搞掂。
芽菜炒菜心 Stir Fried Bean Sprout And Green Vegetable
嘩點解菜咁貴架，菜心15元斤。芽菜7元斤。
15元斤菜心仲要老到起渣，摘埋冇半斤。都係芽菜抵食，不過以前5元斤，都加左好多。
炒左碟雙蔬，綠綠白白，色水同味道唔錯。
節瓜瑤柱排骨雞腳湯 Hairy Melon Dried Scallop Pork Rib Chicken Feet Soup
節瓜同瑤柱好夾味，用黎煲湯，加埋排骨同雞腳，效果更加濃、鮮、香。
工具：
鐵線雙耳大瓦煲。
材料：
肥美節瓜仔四個19元。
新鮮雞腳六隻10元。
排骨頭20元。
瑤柱六粒。
薑片六片。
(落埋花生，會增加甜味)
做法：
煲滾大半煲水，放入切好既節瓜，浸好既瑤柱，出左水洗淨既雞腳(剪甲)同排骨，加埋薑片，再煲滾轉慢火煲三個鐘至湯色米白色，試味調味即成。
簡簡單單一煲湯，有左佢食飯更加開心。
2012年4月23日 星期一
肉汁素鴨 Vegetarian Duck In Meat Juice
食素鴨就食素鴨啦，做咩用肉汁去炆？真係曳曳。
買左二十元排骨頭，用黎煮個肉汁。(煮完汁排骨可以用黎煲湯)
素鴨切開三大塊，先煎至兩面黃，再放入肉汁慢火炆煮至收汁。
素鴨吸收晒肉汁，好好味！
2012年4月22日 星期日
筍衣蒸肉餅 Steamed Minced Pork With Bamboo Shoot Skin
乾筍衣少量，浸一晚，再用水煮一個鐘，渣乾水就可以用。
免治半肥瘦二十元，將切碎既筍衣同薑粒攪入豬肉，再加入少量蝦膏，調味，醃一個鐘以上。
隔水蒸十五分鐘，灑上蔥粒即成。
呢個肉餅，非常惹味。
2012年4月15日 星期日
浸梅酒 Plum Wine
琴日行街市見到青梅上市喇，十元一磅，事頭婆問買黎做乜，我話浸酒。
上網睇下資料，有說一份青梅，一份酒，一份冰糖。即係三樣野同一比例。
洗淨風乾左一日，每粒剔除蒂再用尖牙籤篤幾個窿仔。
大約係咁上下啦。又講冰糖如果一早落，梅子浸完會巢皮，可以唔落冰糖住，於是呢樽係未落冰糖既梅酒。
浸三個月先落冰糖，再浸三個月，要十月十五日先有得飲。
2012年4月11日 星期三
雪菜肉絲烏冬(加料：豬皮牙菜) Preserved Vegetable & Shredded Pork Udon (Pork Skin And Green Bean Sprouts Added
今日摷野食，發現原來仲有一包日本卯月商店既烏冬乾麵條未食。
「卯月」個名真係文雅，「卯」為兔，月中兔，真係好有中國文化氣息！
一於整番碟雪菜肉絲做料。
再加少少豬皮絲同炒芽菜，落埋潮州辣油就正啦。
呢包烏冬可以整到一大煲，佢話係「2人前」，其實可以夠四個人分甘同味。呢隻烏冬好幼滑，不過本身冇味，用雪菜肉絲做料放湯就最岩。
2012年4月8日 星期日
雙湯齊煲之：淮山杞子圓肉雞腳粉葛排骨湯 Double Soup: Yam And Lycium Chicken Feet + Kudzu Pork Rib Soup
呢個係兩種湯煲埋一齊。淮山杞子圓肉雞腳 + 粉葛排骨。
味道幾夾，仲落埋紹酒。
另具風味。
2012年4月5日 星期四
早餐嘆 Oh Breakfast
冇錯，係早餐嘆，唔係嘆早餐。
真係，唉。攞黎賤，話唔食又食，食個早餐，勞氣。
餐牌頻頻改，越改越搵笨，偷工、減料，但係加價。
「服務」越黎越縮沙，冇水、冇餐巾，冇心、冇當客人係客人。
餐包、煙肉、腸仔、漢堡扒配炸薯條，煙肉翹埋一舊乾而硬，腸仔一條仔凍而韌，薯條乾爭爭一滴汁都冇。
熱奶茶隻匙羹放在奶茶中，搞完唔知放響邊，因為隻杯冇碟托住，唯有就咁放響枱。
埋單29元，下乜唔係26元咩，加一呀。
下，加一都係28.6姐，佢進位收29，多謝冇聲，吹咩。
唔食喇，記住，佢只會越黎越差，唔好再食，又冇益又勞氣。
人就係咁賤，自己攞黎衰，抵死。
真係，唉。攞黎賤，話唔食又食，食個早餐，勞氣。
餐牌頻頻改，越改越搵笨，偷工、減料，但係加價。
「服務」越黎越縮沙，冇水、冇餐巾，冇心、冇當客人係客人。
餐包、煙肉、腸仔、漢堡扒配炸薯條，煙肉翹埋一舊乾而硬，腸仔一條仔凍而韌，薯條乾爭爭一滴汁都冇。
熱奶茶隻匙羹放在奶茶中，搞完唔知放響邊，因為隻杯冇碟托住，唯有就咁放響枱。
埋單29元，下乜唔係26元咩，加一呀。
下，加一都係28.6姐，佢進位收29，多謝冇聲，吹咩。
唔食喇，記住，佢只會越黎越差，唔好再食，又冇益又勞氣。
人就係咁賤，自己攞黎衰，抵死。
2012年4月1日 星期日
酸菜豆芽筍片炆鯇魚腩 Braised Fish Belly With Preserved Vegetable, Yellow Bean Sprout And Bamboo Shoot Slice
用配料炆魚腩好好味，不過就係魚同材料炆埋一碟，食時驚哽骨。
我今次炆好後，將配料同魚腩分開上，食得暢快放心。
材料：鯇魚腩一塊26元，酸菜一棵，大豆芽半斤，罐頭筍兩個切片。
做法：魚腩洗淨用鹽同紹酒醃半日，然後抹乾水，煎至兩面金黃焦香。
酸菜、大豆芽用白鑊烘乾，再燒熱鑊，落酒、薑片，爆炒酸菜、大豆芽、筍片。
將魚放在材料中央，注入多量雞湯或清水，加蓋用中慢火炆煮半小時至略收汁，調味埋獻。將材料和魚腩分開上。
放埋一齊映張相先
訂閱：
文章 (Atom)