浸梅酒 Plum Wine

琴日行街市見到青梅上市喇，十元一磅，事頭婆問買黎做乜，我話浸酒。

 

佢叫我買兩磅，用二斤酒浸。呢檔青梅靚就唔係好靚，不過只此一家，算啦。
上網睇下資料，有說一份青梅，一份酒，一份冰糖。即係三樣野同一比例。

洗淨風乾左一日，每粒剔除蒂再用尖牙籤篤幾個窿仔。



大約係咁上下啦。又講冰糖如果一早落，梅子浸完會巢皮，可以唔落冰糖住，於是呢樽係未落冰糖既梅酒。

浸三個月先落冰糖，再浸三個月，要十月十五日先有得飲。