今次試下D大澳生曬咸蛋黃先。整番個家常經典送：豬肉蒸蛋(加咸蛋黃粒)。
材料：雞蛋三隻。生曬咸蛋黃一個。半肥瘦豬肉攪碎適量。
做法：
1 豬肉用糖、鹽、生抽、燒酒撈勻，醃至入味。然後先用鑊爆炒之，炒至散開剛熟備用。
2 咸蛋黃剪細粒，沖一沖水備用。
3 雞蛋三隻打落量杯，落少少鹽、糖、紹酒、雞粉，打勻，睇下量杯內蛋液既容量，大約係150ml。
4 將以上1,2,3全部倒入大玻璃碟，再加300ml水，水係蛋液既2倍。攪勻。
5 用中慢火，蒸5分鐘(水滾計) ，落蔥，即成滑滑豬肉咸蛋黃粒蒸水蛋喇！
好滑好滑呀！
哇哇哇 好餸飯呀 好好味啊 嘻嘻 做你家人一定會好肥姐 咁多好野食 你真係煮得好好啊
回覆刪除D蛋好滑喎, 唔該白飯兩大碗丫.......
回覆刪除多謝捧場呀。呢碟野真係好好送飯，不過半肥瘦豬肉都幾肥，聽日睇怕要食粥食齋先得喇。
回覆刪除飯黎！一份蛋液，兩份水，中慢火蒸五分鐘，多數都好滑架。我今日都食多左飯。
回覆刪除我想問水蛋點蒸先可以個面咁滑架？
回覆刪除一份蛋液，兩份水，中慢火蒸五分鐘，蒸時要觀察，蛋剛好完全凝結就熄火，多數都好滑架。
回覆刪除另外有人會更細心D，筆走晒表面既泡泡，再封上保鮮紙蒸。