半煎炸鱭魚

細個時阿媽成日整煎炸鱭魚，每次有得食都好開心，因為覺得鱭魚好香口好好食。可以成條連骨都食埋。今日行街市，見魚檔一碟碟湯好左既鱭魚，十元份，於是買左一份。

就咁鱭魚煎鱭魚，配菜咩都冇。

鱭魚九條，清洗乾淨，搣清內臟刮走肚內黑膜，用廚房紙索乾水，落淮鹽拍勻全身內外，再落一湯匙紹酒，封好保鮮紙放入雪櫃雪一個鐘。

用平底鑊，落較多油，燒熱用薑起鑊，再逐一將鱭魚排放落鑊半煎炸至兩面焦黃香脆，即可上碟。

鱭魚煎炸到香脆，都算鹹香可口啦。