去大澳買野食

今日母親節一家人同阿媽去大澳行左轉，又食又拎，途中仲撞到三隻貓貓添。

睇下買左咩先啦：

馬友鹹魚一條，切開分三袋仔。柴魚一包。鹽爆魚肚一包。陳腎一包。手打蝦子麵一包。牛肝菌麵一包。蝦膏一舊。以上全部響X記買，老闆娘話母親節，仲送左包兩黑眉豆豆豉俾我地添！

去左橋另一邊，又買左：紫背天葵一包。迷你杏仁餅一盒。肉鬆蛋卷一盒。生曬鹹蛋黃一包。

就係撞到呢三隻貓貓喇：

第一隻係黑白肥貓，頸度有條綠色頸帶。

影影下佢玩碌地沙。

第二隻係黃虎紋貓，佢行行下街見到我地，一路喵一路掂行掂過。

跟住攤左響單車底抖涼。

第三隻係X記隻白灰斑虎紋貓，睇佢好似其貌不揚…

其實佢好有性格，喵極佢都唔望鏡頭，跟住黎個獅子吼就走人。