寫網誌真係需要耐心同堅持，稍一鬆懈，煮嘢費事影相，懶，一停就又個幾月。今日要出返個post，整碟簡單好味嘅滑蛋蝦球。
我用蛋三隻，海蝦買咗30蚊，加埋少少芫茜、葱、韭黃，材料就係咁簡單。
呢碟唔係蝦仁炒蛋或蝦仁煎蛋，我係「分體式」處理，炒個滑蛋底，在上面放蝦球，咁樣蝦唔會被蛋漿包住，賣相靚好多。
做法超簡單，將蝦洗淨啤水再起雙飛索乾水放入雪櫃備用。三隻蛋加少少生粉水再落埋韭黃、芫茜、葱撈勻，燒熱油落鑊。
快炒成滑蛋，上碟。再爆炒蝦球，贊少少酒，炒至剛熟起鑊。
將蝦球排在滑蛋上面，即可趁熱開飯啦！睇下個賣相，係咪比滑蛋炒蝦仁靚好多呀？送飯更開胃！
沒有留言:
張貼留言