呢個粥我係「分體式」煲架。用分體式煲，冇咁易黐底，唔駛成日睇火。
一、先煲個杰D既白粥底。
二、菜乾蠔豉按個人喜好決定份量，浸軟洗淨剪短，獨立煲湯咁煲，煲到夠淋出味。
三、排骨(自行決定用邊種排骨，今次我用一字排，貪佢肥肥地夠香。)用多量鹽醃過夜至完全入味。然後先行蒸熟。
以上一、二、三搞掂後，將菜乾蠔豉湯同蒸排骨既汁全部傾入粥底再煲，煲至濃稠度適中，落排骨同湯渣，滾十零分鐘即可熄火。咁樣先可以保持「鹹排骨」既鹹鮮味。如果一開始就落排骨，排骨就煲到冇晒鹹味，亦都冇趙口架喇。
最後將全煲野轉落乾淨瓦煲慢慢享用，可用最細火pat pat下，要食就自已黎畢啦！
下 咁我實唔識煲啦 冇得食lu
回覆刪除唔係啦。你可以一開始就全部放埋一齊煲，不過要成日睇火，除非你有一個夠高身既粥煲，只係煲少少粥。如果唔係好容易又黐底又煲瀉。用我呢個方法就冇咁易黐同瀉，不過晒時間同燃料囉。
回覆刪除呀呀 想問啊 我煲粥其實都可以啊 但係呢煲完呢就好靚架 但一定會食唔完啊 放耐佐佢就好似結佐啦 變佐飯咁啊 唔似粥啊 我要用一大碗熱水倒落去再煲過 咁對不對呢咁做法 謝謝你啊
回覆刪除係呀，我有時都會加水。不過唔好一開始就加，可以先用最細火慢慢翻熱煲粥，邊番熱邊攪拌，佢會慢慢「解凍」，變番稀。加熱後如果覺得杰，先加水煮番滾都唔遲。
回覆刪除哈哈哈 唔該你啊 即係話我冇做錯啦 嘻嘻
回覆刪除D菜干好靚喎!
回覆刪除D 菜乾係鄉下親戚送架。腍滑冇沙，真係幾正架。
回覆刪除我會學你分體式咁煲法啊 一字排係唔係一定會好林架 會好好食啊 是嗎 蒸完後都唔會硬啊 是嗎 我試下做啊 整完說你知啦 嘻嘻 我想呢2日試下整啊 因我下星期請人食飯啊 想煲呢個啊
回覆刪除一字排有時比較肥，買時要揀冇咁肥果D。
回覆刪除如果要林，就要同粥煲耐D。我鍾意有趙口，所以先蒸熟，等粥煲好先落再滾一陣就食。
嘻嘻 我唔係要林啊 個意思係 唔唔唔 點講呢 有趙口得嚟係唔硬啊 好好食個種呢 有林又有趙口 我諗我一定學你既做法去做囉
回覆刪除你都難度幾高喎，又林又要有趙口，哈哈哈。希望你成功！
回覆刪除