材料：
士多啤梨一盒。一字排35元。洋蔥一個。麥芽糖一湯匙。甜豆適量。
做法：
1 士多啤梨洗淨，將一部分切粒，另一部分用攪拌機攪成果汁(混合油一湯匙、麥芽糖水半杯)。
2 一字排用糖、鹽、雞粉、玫瑰露酒(我諗用香檳仲正)醃過夜。
3 用平底鑊，落油爆炒已切碎既洋蔥。落一字排，贊水爆炒，加蓋半煎煮至一字排呈金黃色全熟而洋蔥差不多全部融化消失為止，鏟起。
4 洗淨鑊，落油燒熱。傾入士多啤利汁，埋獻(鹽、糖、雞粉)煮至濃度適中，落士多啤利粒同一字排，快脆兜勻。
5 再落D已炒熟既甜豆，上碟，加適量橙皮絲做裝飾，趁熱食喇！
註：呢個小炒靈感來自通少既「通之廚房」 http://hk.myblog.yahoo.com/tony-karen/article?mid=44944，我自己做左一D改動變化。
真係唔知點解啊 我真係一定一定做唔到呢d效果架 我次次都係好似烚肉既感覺 邊度出錯佐啊
回覆刪除睇到都流晒口水呀, 真係天氣熱最啱食呀
回覆刪除非常感激您的回複！
回覆刪除請問，您是否有買陳夢因的《食經》，感覺如何？您知道香港那兒有售嗎？是否有折扣？需要會員卡嗎？謝謝
如果我買陳榮老師的書。內容是否是粵語？因為我不會...
我都是拜託我朋友幫我看的您回複，哈哈。羞羞...
如果您有什麼需要，可以聯繫我。我的msn:xiaoyacafe@hotmail.com
我諗你可以試下：
回覆刪除1 用易潔鑊
2 基本上用中火，要睇住D肉同要睇火。
3 要按肉的情況較大或者較細個火。
4 一開始唔好落太多水，按情況決定駛唔駛贊水。
慢慢煎煮就會變成咁樣架喇。我就係咁煮架乍。
多謝你呀通少，你個Blog好正呀。
回覆刪除啊啊 我係用易潔鑊架 而且冇贊水啊 不過我用中火d油會好多是都飛出嚟啊 不如你開班教下人啦 呵呵 等冇咁熱 試下再煮啊 謝謝你先啊
回覆刪除不用客氣。陳夢因的食經我也買了，這是談飲食知識、見聞和掌故的書，有時旁及簡要烹調法，並不以教人煮食烹飪為主，但絕對可以增廣見聞，對中國飲食文化有所認識。我買的是香港商務印書館的版本，五冊，290元，我買的時候有8折優惠，232元。這個版本可以在香港商務、三聯、中華書局買到，另外灣仔的天地圖書公司也可以買到。至於有沒有折扣，就要看書店有沒有做優惠推廣了。如果有會員卡，我看可以有九折吧。後來又在旺角的馬健記圖書公司發現此書的大陸版，上下兩冊，便宜許多，還有折扣。
回覆刪除陳榮老師是粵人，精於粵菜，他的書行文夾雜不少粵語和文言，但基本上北方人也能看懂七八成的。反而要注意的是，他是用斤、兩、錢作重量單位的，不是用克的。
以下引錄一段《中國點心》中的「灌湯飽」給您參考：
用料：鮮蝦肉二兩，赤肉二兩，即瘦肉，天廚味精一茶羹，大菜一錢，發麵粉四錢，發麵粉是製包的麵粉，根麵粉二兩一錢，根麵粉是製麵條的麵粉，硼砂一分，生鹽酌量，蔴油古月粉各少許，上湯八兩，如無上湯可用清水替代同份量，雞蛋二隻。
每個灌湯飽饀的份量為一兩二錢，每個灌湯飽的皮用二錢半。
製法：一、先將大菜一錢用上湯同滾至溶化……
以上原文照錄，你覺得怎樣？他的書大概都是這種行文風格。
你係咪炸呀？炸個效果會更好。不過要用好多油。
回覆刪除我唔想用太多油，所以係半煎半 焗半煮，見就黎乾水，就開蓋贊水入去，半煎煮到相中的效果，排骨已呈金黃色全熟。
你話d油飛出黎，睇黎又唔係炸，你煎時冇加蓋咩？D都肉都幾大舊，要加蓋煮先會熟入心架。