淮山杞子雪耳雞腳花膠湯

呢個湯潤肺、養顏，最重要係補充骨膠原蛋白。要飲多碗，仲要食埋渣。

材料：

花膠兩隻。雪耳一朵。雞腳八隻。淮山杞子適量。

預備：

1 花膠隔日預先浸發好。

2 雞腳出水剪去腳甲，沖洗乾淨。

3 雪耳浸軟剪除根部硬塊再搣細。

4 淮山杞子洗淨浸軟。

煲法：

1 先落雞腳、淮山杞子，煲至雞腳開始腍。

2 此時加入已剪成長方塊既花膠煲二十分鐘。

3 落雪耳再煲，要花膠同雪耳腍D，就煲耐D，隨個人喜好，煲至岩心水就熄火。

4 調味即成。

我唔鍾意煲得太耐，煲太耐會變「膠水」。