粟米豌豆炸魚塊

家常菜譜點都要有款粟米石斑(魚塊)既，買唔到石斑柳，都係用番龍利柳算啦。今次加左新鮮豌豆增加色彩同口感，效果都幾好喎。

急凍龍利柳15元。豌豆4元。地捫忌廉黃粟5元。蛋1隻。

龍利柳解凍索乾水，切一舊舊，用鹽、紹酒醃勻。豌豆破開豆莢，取出裏面既青豆。

做法：

1 龍利柳拍上粟粉+麵粉，放入煲仔內油炸至金香，撈上放涼一陣再翻炸至金黃色上碟備用。

2 粟米加生粉開個濃汁獻，加適量蛋液。再加入已爆炒過既青豆。

3 魚塊回鑊，索勻汁獻，即可上碟。

加左豌豆，食落又有唔同，你地都試下啦！