紅腰豆粟米粒炒「炒飯」Stir-Fried "Stir-Fried Rice" With Red Kidney Bean And Corn

咩炒「炒飯」呀？係呀，我係炒呢個炒飯呀。去街食剩半碟鹹魚雞粒炒飯，打包拎番屋企。
第二日點知冇人肯食。於是我要將佢起死回生，加入紅腰豆同粟米粒，即刻鹹魚翻生，掃清光！

呢碗炒飯係食店師傅炒架，用左蛋、雞肉、鹹魚粒、洋葱絲、菜心片。我加上紅腰豆、粟米粒，整色水之餘又增加纖維素。

 



紅腰豆同粟米預先烚熟，燒熱鑊落油爆炒一陣，再加入炒飯，落少少魚露再炒香炒至乾身，即可上碟。

 

 

呢碟野可以叫做鹹魚翻生炒飯，整「二手送菜」有時都幾好玩架！