早前買左一大包淡菜，用咗一次，放入雪櫃就唔記得咗，今日拎番出黎，煲咗個淡菜節瓜瘦肉湯。
仲加埋好多配料，有薏米、花生、沙蔘、南北杏、陳皮同百合。一齊洗乾淨，浸半個鐘。
瘦肉少少就夠，呢度二十元瘦肉用咗半舊，切厚片。另外兩個節瓜，我擦左D毛，連皮煲。用左個半節瓜，留番半個可以用黎炒蛋或者煮粉絲蝦米都唔錯。
煲滾水，將材料放晒入去，大火煲滾再轉中細火，煲兩個鐘已經夠晒火候，調味就飲得！
今次節瓜連皮煲，所以個湯帶微綠色，淡菜帶少少鹹甘味，節瓜腍軟，全部湯渣都食得唔好嘥！
***Please leave your feedback, thanks!***
沒有留言:
張貼留言