今日試用個大同電鍋蒸番兩味：榨菜蒸豬肉 + 豆腐豆豉蒸鯇魚。
我用個不鏽鋼深兜蒸第一味，再在上面套一隻搪瓷碟蒸第二味。點解個蓋係透明？我今次換左個玻璃蓋，貪佢可以See through! 睇住裏面D食物由生變熟，有趣味好多！
我既做法係咁：先落兩碗水入電鍋，煲至滾。放入鋼兜豬肉先蒸8分鐘，再放入浸過水再用糖同麻油撈過既榨菜。
再在上而套一隻直徑同個鋼兜一樣既碟，蒸魚。豆腐切塊墊底，放上豆豉同用少少鹽醃過既鯇魚腩(我偏愛魚腩下裝，所以你地會見到我所有蒸魚腩都係下裝架)！放少少薑絲就可以蓋上玻璃蓋，繼續蒸15分鐘。
十五分鐘後，兩味都蒸熟，贊少少熱油，灑上葱粒即可開飯！
我想起以前用舊式電飯煲都係咁蒸餸. 細細個飯煲都蒸到. 而家新式飯煲個蓋唔拱起, 用咗餸架都擺唔到隻碟.
回覆刪除我家仲用緊舊式電飯煲，也有較新式的，新式飯煲有個膠蒸兜可以套在內鍋上。
刪除