呢款蒸飯又係用傳統電飯煲蒸，豉椒排骨飯好普通。蒸法非常簡單方便。
今次主要特色係用腐乳做主打醃料醃排骨。腐乳梗係用香港名牌支持本土經濟啦！
呢度一條肉排26元，用一磚至磚半腐乳已足夠，再加酒、糖、少少鬆肉粉同雞粉先醃夠時間。
蒸之前再加入蒜蓉、豆豉、紅椒絲同粟粉撈勻，就可以放入米面。一至二人份只須用一半肉排分量已夠。
在電飯煲加入兩量杯水，放上蒸板，再成盅放在蒸板上，就可以加蓋蒸至自動跳掣。
再保溫十分鐘左右開蓋，就見到呢盅香氣撲鼻嘅腐乳排骨蒸飯喇！
***Please leave your feedback, thanks!***
沒有留言:
張貼留言