紅燒豆腐

布包豆腐2塊。菜遠、冬菇、草菇、雪耳、紅蘿蔔適量。

一、布包豆腐一塊開四，索乾水，灑少少幼鹽，落多少少油煎至兩面金黃備用。最好炸至表面平均金黃，內裏幼滑，不過好晒油，住家冇咁做。

二、菜遠炒熟拌碟。

三、冬菇浸軟剪半，草菇洗淨切片，雪耳軟軟剪細朵，紅蘿蔔切片。

四、薑片起油鑊，爆炒第三項材料，落水，可落蠔油炆一陣。

五、豆腐回鑊，與上面材料四一齊紅燒，燒至略收水，調味埋個厚獻即可上碟。

鍾意食肉可以加入肉片，唔加，用豉油代蠔油，就係一道齋菜。