冬瓜陳皮鴨腿湯飯 Rice in Winter Melon Duck Leg Soup

冬瓜陳皮鴨腿湯飯[偷工版]

雖然係「偷工」，不過冇減料架。

燒鴨髀(四分一隻鴨)25元，最好買靚D既燒鴨啦，不過費事行，響就近燒臘檔買，普普通通。

冬瓜一片。陳皮、八角、冬菇、薑片適量。

陳皮越靚越好，又係冇專登買靚陳皮，只係雜貨鋪十元兩既貨色乍。

先煲個冬瓜陳皮湯底：水(用雞湯好味D)、冬菇、陳皮、八角、薑片、冬瓜粒煲至出味。

燒鴨先沖洗，去除多餘油膩，放入湯底內轉慢火慢慢煲至腍身。

將鴨腿湯煲至濃度適中，試味，將已腍身既鴨腿取出。

去除湯面多餘油份。

用大碗裝飯，鋪上鴨腿，再將滾湯過濾沖入碗中，灑上蔥花，即成冬瓜陳皮鴨腿湯飯。趁熱享用。