煮個最平實既菜。呢款係我細個時隔離屋師奶成日煮俾佢個仔仔食既：節瓜煮豬肉。師奶話節瓜夠「正氣」，太子都食唔壞咁話。
不過今次整既係肥哉版。
材料：節瓜三個，脢頭瘦肉20元，薑片適量。
節瓜切片，用薑片爆香油起鑊，放入節瓜中火快炒，然後半炒半煎將節瓜煎至表面微焦兜起。全程唔駛落水架。
脢頭瘦肉切好，用鹽、糖、紹酒醃夠時間。唔好落豉油呀，落豉油會令節瓜容易變酸。
爆炒豬肉片，炒至表面同節瓜一樣微焦。節瓜回鑊同豬肉片炒勻，此時落碗半至兩碗清水或雞湯，加蓋，用中火炆煮至只餘少量汁液。
開蓋，埋獻試味，搞掂。
呢個菜雖然平平無奇超簡單，但係係我童年回憶，滋味零舍唔同！
看到你這個餸 , 令我想起已故多年的媽媽 ! 家母煮這個菜的版本跟你稍有不同 , 她會加入冬菇片一起燴煮 , 再加蠔油、糖、生粉水等勾芡 , 最後加入葱段 , 芡汁稍多 , 正合小孩子撈飯吃呢 。 你的版本則可省卻處理冬菇的工序 , 合乎快靚正原則 , 兩者各有千秋 !
回覆刪除哈哈，你講得岩，呢個送當年見位師奶煮係好多汁，用黎撈飯，而且煮得比較腍。我呢個係肥哉版，汁少好多，節瓜仲有少少咬口，冇咁腍。
回覆刪除家常餸 不用太花巧 有益又好味
回覆刪除係呀。
回覆刪除係呀，真係充滿童年回憶，我由細到大都鍾意食節瓜，一條心冇變過。節瓜呢家野好奇怪，點整都咁好食，就算煲湯，煲完幾粒鐘都咁好味。
回覆刪除你好！多謝你留言呀。節瓜炒蛋、節瓜粉絲蝦米係另外兩個童年時時食，真係好好味。
回覆刪除家常餸，有益又好味，呢餸由細食到大！
回覆刪除