紅蘿蔔貢梨炆豬腩 Braised Pork Belly With Carrot And Pear

上次用貢梨煲排骨湯，甜到不得了，一D都唔會酸。



今次想試多次，睇下係咪用貢梨入饌唔會變酸。於是整左呢鍋紅蘿蔔貢梨炆豬腩肉。



用既廚具仍然系Lodge十二吋Skillet，要埋個原裝超重鍋蓋。



豬腩肉先出水，切大塊，用隻skillet爆佢一爆，再落切好滾度既紅蘿蔔，加水煮滾，再加蓋用中慢火炆之。

Lodge廚具既特色係蓋內有鐘乳式滴水設計，個蓋又重，可以保持食物原汁原味。

炆到咁上下，落埋貢梨(三個切細塊)，加水，加調味(鹽、生抽、糖、紹酒)再炆。

炆到貢梨又腍又滑，溶咁滯，炆至略收汁。

原鍋上枱！

再一次證明，貢梨入饌一D都唔酸，反而有甜美梨香。