節瓜煮沙白，清鮮美味。煮出適量湯液，加落飯食有湯飯效果，相當開胃。
材料：沙白一斤20元。節瓜一個6元。少少冬菜（一包三元用去四分一包)。沙白先洗刷乾淨再浸水幾小時。節瓜切條。冬菜清洗乾淨除去雜質，用滾浸淡，瀝乾水分，加入熟油同糖撈勻。
先用薑片起鑊爆炒節瓜，贊水煮至三成熟。再加入適量水煮熱，落沙白加蓋煮至沙白爆口。
再煮一陣至沙白全熟，此時加入適量冬菜，略煮一陣即可裝大碗，灑少少葱粒，上枱趁熱開飯。
加入適量冬菜，更惹味。個人認為沙白不及沙蜆鮮美，口感也略遜。各位如試做此菜，可以沙蜆取代沙白。
***Please leave your feedback, thanks!***
嘩，我由你舊blog追到呢度追哂，因為一個嫩雞煨麵……你好得意啊，煮野又勁，我睇你啲食譜唔會悶。
回覆刪除只係唯一會令我好頭痛，我喺荷蘭好難買到某啲材料，而且有啲因為咁而思鄉，你都好多菜式叫荷蘭乜乜，好搞笑，支持你啊
多謝你支持呀，多D黎啦！祝你聖誕快樂！
刪除Unknown嗰個留言係我嚟，唔知點解冇名😂
刪除係呢，我有啲野想問你，我買咗盒急凍越南虎蝦，想整美極蝦俾我男友試，但我驚唔爽口，可以點做啊？
我都祝你聖誕快樂，新年進步，日日有好送！😀
作者已經移除這則留言。
刪除冬至快樂呀。如果連殼就較難保證爽口。以下係我的做法:解凍後索乾水，最好過一過嫩油，蝦約四成熟撈起。瀝乾油。另起鑊爆香乾葱，薑粒蒜片。蝦回鑊，落美極，少少糖，贊酒乾煎至收汁蝦剛熟即上碟。
刪除如剝殼整就要另一做法。但我估你多數連殼整，所以唔講咁多喇!
我解咗凍發現個蝦都幾刁鑽，佢竟然係個蝦身已經除殼，頭尾就有殼，我都跟咗你方法走走油先，不過就支解咗，因為驚個頭唔熟，然後美極蝦做法，上枱好正，好爽口，我落多咗糖就返我荷蘭男友口味，效果好掂，唔該哂你！
刪除