蝦仁節瓜炒蛋白

廚房網誌點可以冇蝦仁炒蛋丫，今次想食得健康D，所以加入節瓜，減左蛋黃。

料：冰蝦仔一斤16元。節瓜兩個4元。蛋六隻5元。實際用量：蝦半斤已夠，節瓜半個岩岩好，買果陣唔好意思買太少，買半個節瓜係咪博鬧？

做：

節瓜半個切幼條備用。

蝦剝乾淨去腸，加少少鹽省下佢，啤水十分鐘，瀝乾再用廚房紙索乾水放入雪柜備用。

蛋白六隻打勻。

炒節瓜、炒蝦(先撲粉)。

將料放入蛋白，加半茶匙魚露 (冇魚露可用蒸魚豉油) 撈勻。

改用易潔鑊中火加入蛋料，推炒。

加葱粒。

上碟喇！

掛住影相，蛋白有D變左一塊塊一舊舊，無法啦。。。