大豆芽菜炒豬腸

整番味經典懷舊菜壓下場先。。。

料：大豆芽菜斤半9元。鹵水豬大腸兩條24元。韭菜、紅椒適量。

做法：

1 用鹵水豬大腸係懶人做法，如果有時間唔怕麻煩，可以用番新鮮豬大腸，不過有排搞。

2 用清水徹底沖乾淨豬大腸，剪段，用水加兩茶匙白米醋浸一陣備用。

3 白鑊加薑片烘炒大豆芽至乾身。

4 大火爆炒豬大腸至表皮金黃色，加入韭菜粒、椒絲，贊小小玫瑰露酒，再將大豆芽回鑊，調味埋獻至收汁即可上碟。

好好味架！不過大豆芽同豬大腸都幾難消化，要慢慢食，慢慢咀嚼，嗒真d味道。