蝦膏鹹蛋魷頭筍絲蒸肉餅

呢個係三高(高鹽、高脂、高膽固醇)肉餅，要小心食用呀。我在製作過程中已經一滴油同一粒鹽都冇落架喇。
料：半肥瘦豬肉20元絞碎。鹹蛋1隻(5元3隻)。乾魷魚頭適量。罐頭清水竹筍9.9元一罐。大澳蝦膏三片。指天椒兩隻。薑三片。

準備：
1 豬肉用糖、豉油、胡椒粉、酒撈勻醃一陣。
2 魷頭浸軟去除眼、咀硬物，剪粒，落豉油、酒、胡椒粉、糖、豉油醃一陣。
3 筍切絲。

4 將上面三樣野放入大碗內，加埋三片蝦膏，落生粉，用手搓勻，靜置一小時。

做法：
1 將已靜置一小時既料放入不銹鋼碟鋪勻，中央放鹹蛋黃大火蒸10分鐘。
2 蒸10分鐘後，開蓋，再倒入鹹蛋白再大火蒸5分鐘。

3 加少少紅椒絲即可享用。

按：呢個肉餅非常惹味，不過樣樣料都唔多健康，記住少食多滋味，一年整一次好喇。